Mazamure Maxaafaa 87 - Wolaytta Bible

Qoraaha naatu mazamuriyaa, yettaa

¹ GODAA katamai geeshsha deriyan keexettiis.

² GODAI Yerusalaame katamaa Israa7eelan de7iyo soho ubbaappe aattidi siiqees.

³ Nenoo Xoossaa katamau, neeni bonchchettana mala, Xoossai hagaadan yaagees;

⁴ “Taani taayyo azazettiya kawotettata mazggafiyo wode, Gibxxenne Baabiloone gatta mazggafana; Pilisxxeema, Xiiroosenne Toophphiyaa asaa Yerusalaamen de7iya asaara issippe qoodana” yaagees.

⁵ Xoossai, “Kawotetta ubbai Xiyoonessa” yaagana. Ubbaappe Xoqqiya Xoossai a essana.

⁶ GODAI asaa xaafiyo mazggafan, “Hagee Xiyoonessa” yaagidi xaafana.

⁷ Eti yexxidi kaa7iiddi, “Nu anjjoi ubbai Xiyooneppe pulttees” yaagana.