Mazamure Maxaafaa 8 - Wolaytta Bible

Daawita mazamuriyaa

¹ Abeet GODAU, nu Godau, ne sunttai sa7aa ubbaa bollan aiba bonchchettideeshsha! Neeni ne bonchchuwaa salotuppe bollan xoqqu xoqqu ootta wottadasa.

² Neeni ne morkketu gishshau ne baarigaaraanne neeyyo manddiyaagaa sirphphi oottanau, guutta naatu doonan xammiya naatu doonan galataa kunttadasa.

³ Neeni ne biradhdhetun medhdhido ne salota, sohuwan sohuwan neeni wottido aginaanne xoolintteta taani be7iyo wode,

⁴ neeni asabaa qoppanau asi aibee? Woi neeni ayyo hirgganau i aibee?

⁵ A neeni kiitanchchatuppe amaridaagaa ziqqissadasa; bonchchuwaanne gitatettaa akiliiliyaa a huuphiyan wottadasa.

⁶ A neeni ne medhdhido meretetta ubbaa bollan haariyaagaa oottada sunttadasa; ubbabaa a tohuwaappe garssaara wottadasa.

⁷ Dorssatanne boorata, sa7aa do7atanne

⁸ saluwaa kafota, abbaa moletanne abbai goggiyoosan wadhdhiyaageeta ubbaakka a haarissadasa.

⁹ Abeet GODAU, nu Godau, ne sunttai sa7aa ubban aiba bonchchettideeshsha!