Mazamure Maxaafaa 53 - Wolaytta Bible

Daawita timirttiyaa

¹ Eeyyati bantta wozanan, “Xoossai baawa” yaagoosona. Eta de7oi moorettiis. Eti pala sheneyiyaabaa oottoosona; lo77iyaabaa oottiya asi baawa.

² Xoossaa koyiya eranchchati de7iyaakkonne be7anau, GODAI saluwaappe duge asaa xeellees.

³ Eti ubbaikka Xoossaappe haakkidosona; ubbaikka issippe tunidosona. Lo77iyaabaa oottiya asi baawa; harai atto issoinne baawa.

⁴ Xoossai, “Hageeti ta asaa bonqqi miidi de7iya iita asati tumu ainne erokkonaa? Eti tana woossokkona” yaagees.

⁵ Eti kase dagammi erennaagaa keenaa dagammana. Aissi giikko, Xoossai ba asaa morkkiyaageetu meqettaa laalana. Xoossai eta karido gishshau, eti yeellatana.

⁶ Israa7eelayyo atotettai Xiyooneppe yeerennee! Xoossai ba asaa omooduwaa zaariyo wode, Yaaqooba zareti ufaittana; Israa7eela asai ufaissau poccu gaana.