Mazamure Maxaafaa 4 - Wolaytta Bible

Daawita Mazamuriyaa

¹ Abeet tana xillissiya Xoossau, taani nena xeesiyo wode, taayyo koya. Taani un77ettido wode, neeni tana shemppissadasa. Taayyo neeni qarettada ta woosaa siya.

² Inttenoo asatoo, intte aude gakkanaassi ta bonchchuwaa kaushshuuteetii? SHori bainnabaakka aude gakkanaassi intte siiquuteetii? Wordduwaanne aude gakkanaassi caddi oiqqi kaalluuteetii?

³ SHin GODAI Xoossaa asata baayyo dummayi wottidoogaa intte erite. Taani GODAA xeesiyo wode, i taayyo siyees.

⁴ Hanqqettite, shin intte hanqquwan nagaraa oottoppite. Hiixan zin77iyo wode, intte wozanaa qoritenne sirphphi giite.

⁵ GODAAYYO likke yarshshuwaa yarshshitenne GODAN ammanettite.

⁶ Daroti, “Nuna lo77obaa bessanai oonee?” yaagoosona. Abeet GODAU, neeni nuna keha aifiyan xeella.

⁷ Neeni ta wozanan gita ufaissaa kunttadasa. Hegeenne, katta aifeenne ooratta woiniyaa eessai banttayyo darin ufaittiyaageeta ufaissaappekka dariyaagaa.

⁸ Abeet GODAU, ne xalaalai tana saruwan naaga wottiyo gishshau, taani zin77ada sarotettan xiskkais.