Mazamure Maxaafaa 3 - Wolaytta Bible

Ba na7aa Abeseloomappe baqatido wode Daawita mazamuriyaa

¹ Abeet GODAU, ta morkketi aiba corattidonaa! Ta bolli aappunati denddiyoonaa!

² Daroti, “Xoossai a ashshenna” yaagidi tabaa haasayoosona.

³ SHin abeet GODAU, neeni ta yuushuwan gonddalle. Tana bonchchissiyaageenne gitayiyaagee nenattennee.

⁴ Taani ta qaalaa xoqqissada GODAAKKO waassais. Waassin ba geeshsha deriyaappe taassi i allees.

⁵ GODAI tana naagiyo gishshau, taani zin77ada xiskkaisinne beegottais.

⁶ Taani tana dooddidi denddida tammaa sha7iya asatuyyookka yayyikke.

⁷ Abeet GODAU, dendda! Abeet ta Xoossau, tana ashsha! Aissi giikko, neeni ta morkketa ubbaa goggocuwaa shocadasa; iitatu achchaakka menttadasa.

⁸ Ashettai GODAAGAA; GODAU, ne asaa neeni anjja.