Mazamure Maxaafaa 29 - Wolaytta Bible

Daawita mazamuriyaa

¹ Inttenoo saluwan de7iya meretatoo, GODAABAA yootite; “Bonchchoinne wolqqai GODAABAA” giidi yootite.

² “Bonchchoi a sunttaassa” giidi, GODAABAA yootite; a geeshshatettaa puulan GODAAYYO goinnite.

³ GODAA gunttai haattatu bollan siyettees. Bonchcho Xoossai dadaadan guummees; GODAI gita haattatu bollan guummees.

⁴ GODAA gunttai wolqqaama; GODAA gunttai, “Hoola!” giissiyaabaa.

⁵ GODAA gunttai zigata mentterettees; Liibaanoosa giyo biittan de7iya zigatakka GODAI mentterettees.

⁶ Liibaanoosa dereta galo maraadan buraaqissees; Siriyoona giyo gita deriyaa bazzo korima booraadan phixxillissees.

⁷ GODAA gunttai wolqqanttaa wolqqammissees.

⁸ GODAA gunttai bazzuwaa qaattees; GODAI Qaadeesa Bazzuwaa qaattees.

⁹ GODAA gunttai wolata qaattees; mittaa haittaakka qoqqofees. Yaatin, a Beeta Maqidasiyan de7iyaageeti, “Bonchchoi GODAASSI gido” yaagoosona.

¹⁰ GODAI bashshaa haattaa bolli de7iya ba kawotaa araataa wottidi uttiis; GODAI ba kawotaa araatan uttidi, merinau kawotiis.

¹¹ GODAI ba asaassi wolqqaa immees. GODAI ba asaa sarotettan anjjees.