Mazamure Maxaafaa 26 - Wolaytta Bible

Daawita mazamuriyaa

¹ Abeet GODAU, taani suuretettan hemettido gishshaunne siree bainnan nena ammanettido gishshau, taayyo pirdda.

² Abeet GODAU, tana paacca, tana qora; ta wozanaa kahaa xomoosa.

³ Aissi giikko, aggenna ne siiqoi ta sinttan de7ees; taani ne tumatettaa ogiyan hemettais.

⁴ Taani cimmiya asatuura issippe uttikke; lo77o milatiya iitatu maabaran gelikke.

⁵ Iitaa oottiya asatu yaa7aa taani ixxais; palatuura issippe uttikke.

⁶ Abeet GODAU, taani qohabeennaagaa bessanau ta kushiyaa meeccais. Meeccada neeyyo yarshshiyo sohuwaa yuuyais;

⁷ yuuyaidda ne galata yettaa yexxaisinne neeni oottido oorattabaa ubbaa yootais.

⁸ Abeet GODAU, neeni de7iyo keettaa, ne bonchchoi aqiyo sohuwaa taani dosais.

⁹ Tana nagaranchchatuura issippe pittoppa; woikko asa woriyaageetuura issippe xaissoppa.

¹⁰ Eta kushiyan iita halchchoi de7ees; qassi eta ushachcha kushiyan mattaayee kumi uttiis.

¹¹ SHin tana gidikko, taani suuretettan hemettais. Tana woza; taayyo qaretta.

¹² Ta tohoi lo77o sohuwan eqqiis; taani kunttida yaa7an GODAA galatana.