Mazamure Maxaafaa 23 - Wolaytta Bible

Daawita mazamuriyaa

¹ GODAI ta henttanchchaa; taayyo aibinne paccenna.

² Tana aaca qooruwan allaxxissees; woppu giida haattaakko laaggees.

³ Ta de7uwaa ooraxissees. Ba sunttaa gishshau, tana xillotettaa ogiyan kaalettees.

⁴ Neeni ta GODAI tanaara de7iyo gishshau, taani haiquwaa milatiya xumaa giddoora biikkokka, iitabau yayyikke. Ne gatimainne ne guufee tana minttettoosona.

⁵ Ta morkketu sinttan taayyo gibiraa makkaasa. Tana mokkaidda, ta huuphiyaa zaitiyaa tiyaasa. Ta wanccai palahidi goggana gakkanaassi kunttaasa.

⁶ Ne kehatettainne aggenna ne siiqoi ta de7uwaa laitta ubban tumuppe tana kaallana. Taani GODAA keettan merinaassi de7ana.