Mazamure Maxaafaa 16 - Wolaytta Bible

Daawita woosaa

¹ Abeet Xoossau, taani neekko baqatido gishshau, tana naaga.

² Taani GODAAYYO, “Neeni ta Godaa; taani neeppe ekkiyobaappe attin, taayyo lo77obai baawa” yaagais.

³ Sa7an de7iya geeshshati ai mala galatettidonaa! Ta ufaissai ubbai etaara issippe gidiyoogaa.

⁴ Worddo xoossata kaalliyaageeti bantta bolla metuwaa darissoosona. SHin taani eta worddo xoossatuyyo yarshshikke; taani eta sunttan woossikke.

⁵ Ta GODAU, ta de7uwaa saamai nena; tana koshshiya ubbaa neeni taassi immaasa. Ta sintta de7uwau waasee nena.

⁶ Neeni taayyo immido saamai ai keesa lo77oo! Ee tumuppe lo77o!

⁷ Tana zoriya GODAA galatais; bilahekka ta wozanai tana seerees.

⁸ Taani ubbaton GODAI ta sinttan de7iyoogaa hassayais. I taappe ushachcha baggaara de7iyo gishshau, taani yeeqikke.

⁹ Hegaa gishshau, ta wozanai ufaittees; ta shemppoikka ufaittees. Ta bollaikka hirggi bainnan de7ees.

¹⁰ Tana Si7ooliyau aattada immakka; neeni nenan ammanettiyaagaa musissakka.

¹¹ Neeni tana de7o ogiyaa bessaasa. Taani ne achchan de7in, ta ufaissai polettees; ne ushachcha baggaara ufaissai merinau de7ees.