Mazamure Maxaafaa 15 - Wolaytta Bible

Daawita mazamuriyaa

¹ Abeet GODAU, ne dunkkaaniyaa gelanau bessiyaagee oonee? Ne geeshsha deriyan nenaara de7anau bessiyaagee oonee?

² Suure de7uwaa de7iyaagaa, xillobaa oottiyaagaa, ba wozanaappe tumaa haasayiyaagaa,

³ hara asa sunttaa moorennaagaa, ba lagge bolli iitabaa oottennaagaa, ba shooro zigirennaagaa;

⁴ Xoossai ixxiyo asata kariyaagaa, shin GODAU yayyiya asata bonchchiyaagaa, ba caaqqidoogaa ai deexxinkka poliyaagaa,

⁵ ba miishshaa dichchau immennaagaa, xillo asa bolli wordduwaa markkattanau mattaayiyaa ekkennaagaa. Ha yohota oottiyaagee merinaukka qaaxxenna.