Mazamure Maxaafaa 142 - Wolaytta Bible

Gonggolo giddon de7iyo wode, Daawiti xaafido timirttiyaa, woosaa

¹ Ta qaalaa xoqqu oottada, taani GODAASSI waassais. Ta qaalaa xoqqu oottada, GODAASSI watiwatais.

² Ta qohuwaa ubbaa ayyo magannais; ta metuwaa ubbaa ayyo yootais.

³ Taani hitido wode, neeni ta ogiyaa eraasa. Taani hemettiyo ogiyan taayyo gitiyaa qotti wottidosona.

⁴ Taani ushachchi simmada xeelliyo wode, tana maaddiyaabi issoinne baawa; taani qosetta attiyoosi baawa; tana naagiyaabi mulekka baawa.

⁵ Abeet GODAU, taani neeyyo hagaadan gaidda waassais; “Neeni taani baqatada attiyo soho; taani paxa de7ishin, tana gakkida saama” yaagais.

⁶ Taani keehippe metootiyo gishshau, ta waasuwaa ezgga. Tana yedettiyaageeti taayyo keehippe wolqqaamido gishshau, tana etappe ashsha.

⁷ Taani ne sunttaa galatana mala, tana qashuwaappe birshsha. Neeni taayyo kehiyo gishshau, xilloti ta yuushuwan shiiqana.