Mazamure Maxaafaa 14 - Wolaytta Bible

Daawiti xaafidoogaa

¹ Eeyyati bantta wozanan, “Xoossai baawa” yaagoosona. Eta de7oi moorettiis. Eti sheneyiyaabaa oottoosona; lo77iyaabaa oottiya asi baawa.

² Xoossaa koyiya eranchchati de7iyaakkonne be7anau, GODAI saluwaappe duge asaa xeellees.

³ SHin ubbaikka wora simmidosona; ubbaikka muleera go77ennabaa gididosona. Lo77iyaabaa oottiya ooninne baawa; harai atto issoinne baawa.

⁴ GODAI, “Hageeti ta asaa bonqqi miidi de7iya iita asati tumu ainne erokkonaa? Eti tana woossokkona” yaagiis.

⁵ SHin Xoossai xillo asatuura de7iyo gishshau, eti hegan dagammana.

⁶ He iita asati hiyyeesatu halchchuwaa halissoosona; shin GODAI hiyyeesati baqatidi, qosetti attiyo soho.

⁷ Israa7eelayyo atotettai Xiyooneppe yeerennee! GODAI eta omooduwaa zaariyo wode, Yaaqooba zerettai ufaittana; Israa7eela asai ufaissaa poccu gaana.