Mazamure Maxaafaa 136 - Wolaytta Bible

¹ GODAA galatite! Aissi giikko, i keha; aggenna a siiqoi merinaagaa.

² Xoossatu Xoossaa galatite! Aggenna a siiqoi merinaagaa.

³ Godatu Godaa galatite! Aggenna a siiqoi merinaagaa.

⁴ A xalaalai gita maalaalissiyaabaa oottees; aggenna a siiqoi merinaagaa.

⁵ Ba aadhdhida eran i salota medhdhiis; aggenna a siiqoi merinaagaa.

⁶ Biittaa haattaa bollan micciis; aggenna a siiqoi merinaagaa.

⁷ Gita poo7ota medhdhiis; aggenna a siiqoi merinaagaa.

⁸ Awai gallassi haaranaadan oottiis; aggenna a siiqoi merinaagaa.

⁹ Aginainne xoolintteti qammi haaranaadan oottiis; aggenna a siiqoi merinaagaa.

¹⁰ I Gibxxe biittan bairata woriis; aggenna a siiqoi merinaagaa.

¹¹ Israa7eela asaa Gibxxeppe kaalettidi kessiis; aggenna a siiqoi merinaagaa.

¹² Ba mino kushiyan, ba wolqqaama qesiyan hagaa oottiis; aggenna a siiqoi merinaagaa.

¹³ Zo7o Abbaa shaakki yeggiis; aggenna a siiqoi merinaagaa.

¹⁴ Israa7eela asaa he abbaa gidduwaara pinttiis; aggenna a siiqoi merinaagaa.

¹⁵ Gibxxe kawuwaanne a olanchchata Zo7o Abban muukissiis; aggenna a siiqoi merinaagaa.

¹⁶ I ba asaa kaalettidi, bazzuwaa kanttissiis; aggenna a siiqoi merinaagaa.

¹⁷ Gita kawota shociis; aggenna a siiqoi merinaagaa.

¹⁸ Erettida kawota woriis; aggenna a siiqoi merinaagaa.

¹⁹ Ee, Amooretu kawuwaa Sihoona woriis; aggenna a siiqoi merinaagaa.

²⁰ Qassi Baasaane kawuwaa Ooga woriis; aggenna a siiqoi merinaagaa.

²¹ Yaatidi eta biittaa ba asaa laatissiis; aggenna a siiqoi merinaagaa.

²² Ee, ba ashkkaraa Israa7eela laatissiis; aggenna a siiqoi merinaagaa.

²³ I nuuni kauyyido wodekka nuna qoppiis; aggenna a siiqoi merinaagaa.

²⁴ Nuna nu morkketuppe ashshiis; aggenna a siiqoi merinaagaa.

²⁵ Mereta ubbau qumaa immees; aggenna a siiqoi merinaagaa.

²⁶ Saluwaa Xoossaa galatite! Aggenna a siiqoi merinaagaa.