Mazamure Maxaafaa 131 - Wolaytta Bible

Pudettaa kiyiiddi yexxido yettaa, Daawiti xaafidoogaa

¹ Abeet GODAU, taani ayyuwaa aggaas; ta hanuwaanikka otorettikke. Gitabaassi woikko eranau danddayenna maalaalissiyaabaassi taani hirggikke.

² Hegaa aggada xanttaa duuxxida na7i ba aayee achchan co77u giyoogaadan, taani co77o gaas. Ee, woppu giida na7adan taani woppu gaas.

³ Israa7eela asau, hachchippe merinaa gakkanaassi GODAN ufaissaa oottite.