Mazamure Maxaafaa 130 - Wolaytta Bible

Pudettaa kiyiiddi yexxido yettaa

¹ Abeet GODAU, taani metuwaa ciimman de7aidda, neeyyo waassais.

² Abeet Godau, ta cenggurssaa siya; taani watiwatiyo watiwatuwaa ne haittai ezggo.

³ Abeet GODAU, neeni nu nagaraa mazggafan xaafidaakko, abeet Godau, woni ooni pirddaappe attanau danddayii?

⁴ SHin nuuni nena bonchchidi azazettana mala, nuuyyo atto yaagaasa.

⁵ Taani GODAA naagais; ee, taani a laamotan naagais; a qaalankka ufaissaa oottais.

⁶ Sa7ai aude wonttanddeeshsha giidi naagiya qamma konttomatuppe aadhdhada, ee, taani etappekka aadhdhada Godaa laamotan naagais.

⁷ Israa7eela asau, GODAN ufaissaa ootta; aissi giikko, aggenna siiqoi GODAANA; qassi i ubbaton asaa ashshanau koyees.

⁸ Israa7eela asaa eta nagaraa ubbaappe ashshanaagee a.