Mazamure Maxaafaa 13 - Wolaytta Bible

Daawita mazamuriyaa

¹ Abeet GODAU, aude gakkanaassi neeni tana doguutee? Merinaayyo tana doguutee? Aude gakkanaassi neeni taappe geemmuutee?

² Taani ta qofaara baaxetiyoogee aude gakkanaassee? Ubba gallassi azzanoi ta wozanan de7anaagee aude gakkanaassee? Ta morkketi ta bolli goobanaagee aude gakkanaassee?

³ GODAU ta Xoossau, haa taakko xeellada, taayyo zaara. Zaarada ta aifiyaa poo7issada, haiquwaappe tana ashsha.

⁴ “Nuuni a xoonida” yaagidi, ta morkketi ceeqettennaadan teqqa. Ta kunddettan eti ufaittennaadan digga.

⁵ SHin aggenna ne siiquwan taani ammanettais; neeni tana ashshiyo gishshau, taani ufaittais.

⁶ GODAU, taani neeyyo yexxana; aissi giikko, neeni taayyo kehadasa.