Mazamure Maxaafaa 125 - Wolaytta Bible

Pudettaa kiyiiddi yexxido yettaa

¹ GODAN ammanettiyaageeti qaaxxanau danddayenna, merinau de7iya Xiyoone Deriyaa mala.

² Wogga dereti Yerusalaame katamaa yuushuwan de7iyoogaadan, hachchippe merinaa gakkanaassi, GODAI ba asaa yuushuwan de7ees.

³ Iita asati xillo asatu biittan haariiddi gam77okkona; gam77ikko, ooni erii, xillo asatikka etadan iitatettaa tamaarana.

⁴ Abeet GODAU, keha asatussinne wozanaa suure asatussi kehabaa ootta.

⁵ Bantta geella ogiyaa simmiyaageeta neeni iitaa oottiyaageetuura issippe qaxxaya. Israa7eelayyo saroi gido!