Mazamure Maxaafaa 124 - Wolaytta Bible

Pudettaa kiyiiddi yexxido yettaa, Daawiti xaafidoogaa

¹ GODAI nu bagga gidennaakko, nuuni waananeeshsha? Israa7eela asati zaaruwaa hagaadan yaagidi zaarona;

² “GODAI nu bagga gidennaakko, nu bollan asai denddido wode,

³ eti nu bollan hanqquwaa suullidi, nuna paxa mittana shin.

⁴ Di7oi nuna meeccana shin; shaafaa haattai nuna muukkana shin;

⁵ kixa haattai nuna maana shin” yaagona.

⁶ Nuna nu morkketu achchan zalissibeenna GODAI galatetto.

⁷ Nuuni shankkanchchatu piriyaappe kafoi kessi ekkiyoogaadan kessi ekkida. Pireenne meqqiis, nuuninne kessi ekkidi attida!

⁸ Nu maadoi saluwaanne sa7aa medhdhida GODAAPPE yees.