Mazamure Maxaafaa 121 - Wolaytta Bible

Pudettaa kiyiiddi yexxido yettaa

¹ Taani xoqqu gaada wogga dereta xeellais; taayyo maadoi auppe yanddeeshsha?

² Taayyo maadoi saluwaanne sa7aa medhdhida GODAAPPE yees.

³ I ne gediyaa hallixissenna; nena naagiyaagee xiskkenna.

⁴ Israa7eela naagiyaagee mulekka zin77ennanne xiskkenna.

⁵ GODAI nena naagiyaagaa. GODAI neeyyo ushachcha baggaara gididi, nena kuwayiyaagaa.

⁶ Gallassi nena awai meenna; qammikka aginai nena qohenna.

⁷ GODAI qohiyaabaa ubbaappe nena naagana; i nena saro wottana.

⁸ GODAI ne yuussaa, ne buussaa, hachchippe merinaa gakkanaassi naagana.