Mazamure Maxaafaa 120 - Wolaytta Bible

Pudettaa kiyiiddi yexxido yettaa

¹ Ta waayiyaa wode taani GODAA xeesaas; xeesin i taayyo koyiis.

² Abeet GODAU, worddotiya doonatuppenne cimmiya inxxarssatuppe tana ashsha.

³ Inttenoo worddanchchatoo, GODAI inttena waatanddeeshsha? Simmi harabaa ai gujjanddeeshsha?

⁴ Tooranchchatu zubbiyan qaran i inttena caddana; xiixinttaa bonqquwan i inttena xuuggana.

⁵ Aayyee tanoo! Inttenaara de7iyoogee Mesheka woikko Qeedaare asaara de7iyoogaa mala iita.

⁶ Sarotettaa ixxiya asatuura taani daro wodiyaa de7aas.

⁷ Taani saro asa; shin taani sarotettaabaa haasayiyo wode, eti olaabaa haasayoosona!