Mazamure Maxaafaa 12 - Wolaytta Bible

Daawita mazamuriyaa

¹ GODAU, nuna maaddarkkii? Aissi giikko, Xoossa asi mulekka baawa; asa giddon ammanettiyaabi xayiichchiis.

² Ubbatikka issoi issuwaassi wordduwaa haasayoosona; issoi issuwaa sheleeshshiya inxxarssan baletuwan haasayoosona.

^3-4 Abeet GODAU, ha sheleeshshiya doonaa bara. Otoruwan, “Nuuni nu inxxarssan xoonana; nu inxxarssai nuugaa; nu godai oonee?” yaagidi, ceeqettiya inxxarssa ubbaa neeni qanxxa ola.

⁵ GODAI, “Hiyyeesati un77ettido gishshaunne, metootanchchatu ooliyaa gishshau, ha77i taani denddana. Taani eti amottiyo sarotettan eta wottana” yaagees.

⁶ GODAA qaalati walahi bainna geeshshata; coociyaa taman laapputoo tigettida biraadan geeyidaageeta.

⁷ Abeet GODAU, neeni nuna sarotettan naaganne hagaa mala asappe merinau nuna ashsha.

⁸ Asaa gidduwan iitai bonchchettido wode, iitati ubba sohuwaara simerettoosona.