Mazamure Maxaafaa 114 - Wolaytta Bible

¹ Israa7eela asai Gibxxe biittaappe kiyido wode, Yaaqooba keettaa asai allaga qaalan haasayiya asaa yeggidi biido wode,

² Yihudaa asai Godaayyo geeshsha asa gidiis; Israa7eela asaikka ayyo haaro gidiis.

³ Zo7o Abbai hegaa be7idi baqatiis; Yorddaanoosa SHaafaikka guyye simmiis.

⁴ Dereti deeshshatudan buraaqidosona; keratikka dorssa maraadan guperettidosona.

⁵ Abbau, nena baqatissidabai aibee? Yorddaanoosa SHaafau, aissi guyye simmadii?

⁶ Inttenoo deretoo, deeshshatudan aissi buraaqidetii? Inttenoo keratoo, dorssa maradan aissi guferettidetii?

⁷ Nenoo biittau, GODAA sinttan, Yaaqooba Xoossaa sinttan kokkora.

⁸ I shuchchaa haatta kessidaagaa; zaallaa haatta pultto oottidaagaa.