Mazamure Maxaafaa 111 - Wolaytta Bible

¹ GODAA galatite! Suureti shiiqiyo yaa7an taani ta polo wozanaappe GODAA galatana.

² GODAA oosoti ai keena gitee! Etan ufaittiyaageeti ubbai eta qoppanau bessees.

³ A oosoti bonchchuwaaninne anggan kumidaageeta. A xillotettaikka merinaassi de7ees.

⁴ I ba maalaalissiya oosoti hassayettanaadan oottiis. GODAI qarettiyaagaanne maariyaagaa.

⁵ Baayyo yayyiyaageetuyyo qumaa i immees; i ba maachchaa merinaukka qoppees.

⁶ Allagatu biittaa immiyoogan i ba oosuwaa wolqqaa ba asaa bessiis.

⁷ A kushiyaa oosoti tumanne likke; a wogatikka ubbai ammanettiyaageeta.

⁸ Etinne meri merinau eqqidi de7iyaageeta; tumatettaaninne suuretettan imettidaageeta.

⁹ I ba asaa wozidi kessiis; i ba maachchaa etaara merinau wottiis. A sunttai geeshshanne, “Hoola!” giissiyaagaa.

¹⁰ Eratettau koiroi GODAAYYO yayyiyoogaa; a wogaa oottiyaageetuyyo lo77o akeekai de7ees. GODAI merinau galatetto!