Mazamure Maxaafaa 110 - Wolaytta Bible

Daawiti xaafido mazamuriyaa

¹ GODAI ta godaa, “Taani ne morkketa neeni tohuwan yedhdha eqqiyoobaa oottana gakkanaassi, hagan taappe ushachcha baggaara utta” yaagiis.

² GODAI ne kawotaa maataa Xiyooneppe kiittana; kiittidi, “Ne morkketa haara!” yaagana.

³ Neeni ne morkketuura olettiyo gallassi ne asai eeno gaana. Maallado guuraa xaazaadan ne wodalla asai neekko qeeri geeshsha deretun shiiqana.

⁴ GODAI, “Malkki-Xedeqi qeese gididoogaadan, neenikka merinau qeese gidana” yaagidi caaqqiis; i ba qofaa laammenna.

⁵ Godai ne ushachchan de7ees; ba hanqquwaa gallassi i kawota kinchcherettana.

⁶ Kawotettaa bolli i pirddana; olaa dembbatakka aha xalaala oottana; sa7an ubban de7iya kawota i mentterettana.

⁷ Kawoi ogiyaa lanqqen de7iya haattaa pulttuwaappe uyidi, i ba huuphiyaa xoqqu oottana.