Matthaiga 9 - Winnebego Bible Portions 1907

¹ Egi waj hisha hokewena egi harujhena, egi E jhinag harnieja gina.

² Egi horuxujre, wang howashaisha ro‐t’egisha hagarni hahirena, homigeja mingank. Egi Jesus harnaxgu warninera wagijarna, howasha ro‐t’egra wagena: Hinighaxji wogishaware, washa woishana washinira wanigit’unairena.

³ Egi horuxujre wowagax hiperesra hota wakigairena: Wang de‐e Maura raxjashguni.

⁴ Egi Jesus wowewi warninera wawigiperessana wena: Jagu‐u najge washiniwira washa wowonk wishewewiwishe?

⁵ Hajinjajega era wowategenigshe, washa woishana washinira wanigitunairena, nigeshge nashianaga egi manine era?

⁶ Eshi hiraperes‐hikjawige wankshig‐hinigra homashja harnijera manegi washa woishana wagitunajena, (esge howasha ro‐t’eganka wagena) nashianaga, homig hashinira kurusge egi jhi‐hashinieja howakarare.

⁷ Egi nashianaga egi jhi‐harnieja howakerena.

⁸ Egi jaja worohanka hajairegi, khorairena, egi Maura rajankhirena, E homashja shesge wankshigregi wogage.

⁹ Egi Jesus eja ranaga rahau wang hisha hajarna, Matthai higairera, woirowe rus minagnank’u, egi wagena: Hiroinagre. Egi nashianaga egi hironagshana.

¹⁰ Egi wauna, Jesus jhieja waruj‐eja minagkaja, horuxujre Publikanra egi washa woishana ura roha jina egi wakishu minaghirena egi wironag warnira.

¹¹ Egi jaja Pharisera hajairegi wironag warnira wawagairena: Jagu‐u Hirukana hashiniwira Publikanra egi washa woishana ura wakishu warujnakshe?

¹² Egi jaja Jesus washa de‐e naxgungi, wawagena: Jarnaga wanaishguniankhi inke makhani hiuninankshana, eshi jarnaga howashakhi.

¹³ Eshi rawire egi hipereswire jagu wagairera: Najwagijankjanena egi inke nabruxaj hiraningi. Inke phira wagigo hajinina, eshi washa woishana ura najgera‐karateg‐hirekjege.

¹⁴ Egi Johnga wironag warnira hirajirena, wairena: Jagu‐ungaja ne‐winewianaga egi Pharisera dejankhi hantaginaj‐hireshe, eshi wironag washinira inke hantaginajhirani.

¹⁵ Egi Jesus wawagena: Jasge khikanag houeja warujshirawigi najgeteg‐nangnashe jajaixji hipa hinugkhanaikjanega wakishu unjegi? Eshi hambra hajirekjanena, jaja hinugkhanaikjanega wagirus‐hiregi egi hantaginajhirekjanena.

¹⁶ Inkisha waipere jegra nige wonashi sh’ageja hirarujagninana, hirarujag‐hirega wonashinaka rugasnana, egi hopoxra hiraijera wakhininana.

¹⁷ Egi shige inke nishuj jegra waxu‐pex shageja hoshurninana, shesgehigi pexra gasranana egi nishujra xunarnana, egi pexra maisinsh‐hiranana. Eshi jarnaga nishujjegra waxu‐pex jegeja woshuiregi egi hinuinka phiranana.

¹⁸ Washa de‐e wawirokit’ajau, horuxujre washirukanaisha jina egi jowehieja jimpshana wena: Hinughara hojishana hingit’ena, eshi huarnaga egi hikiore egi niambikjena.

¹⁹ Egi Jesus nashina egi hironagshana egi wironagwarnira hishge shesge hirena.

²⁰ Egi horuxujre, hinug‐howasha‐hisha ma kerepanaishanaga‐nuphashana wai xuna, hageja howahina egi wonashi‐ug harnieja hikiorna.

²¹ Wanai rogeja wakigena: Wonashina hiagikiogi hinushjashgunina.

²² Egi Jesus hijopahi‐nashina, egi jaja hinugjega hajagi, wena: Hinughaxji ninukhegshana, harnaxgu hashinira rushjanina. Egi hinugjega rushjahirena howagixeja hipa.

²³ Egi jaja Jesus washinukanajega hojhieja higi egi hishushugura wajarna egi worohanka woxehinankhi,

²⁴ Wawagena: Rukhowire, hinugra inke d’arniankshana eshi na‐nankshana. Egi waixjairena igixja.

²⁵ Eshi jaja worohanka hihinab‐hiregi hijokewena egi nab‐eja harukos‐shana egi hinuganka kikawa‐ana.

²⁶ Egi washa de‐e ma‐naka harnaj hornaxguinena.

²⁷ Egi jaja Jesus eja regi, wang‐hishjarnigra nupiwi hironagshana, uwainena, egi wairena: Dawid hinigra neninegaja najungijawine.

²⁸ Egi jaja jhieja hokewegi, wang‐hishjaningra hirahirena, egi Jesus wawagena: Harnanaxguwishe de‐e untuxurugkhi? Wagairena, hoja Hirukanara.

²⁹ Egi hishjasu warninera wawigi‐khiorna, wena: Harnaxgu hashiniwira jarnisgawigi ningiuinekjanihawina.

³⁰ Egi hishjasu warninera gihas‐hirena. Egi Jesus winakewewahina, wena: Hirakara‐uwine inke hisha hiperes‐nikjena.

³¹ Eshi jaja nige‐howarairegi, ma‐naka harnaj hoere hirena jasgera.

³² Harairegaja, horuxujre, wang‐ining‐hisha hagarni hahirena, waxopinishishig harnine‐isha.

³³ Egi jaja waxopinishishigra jangra wowahasgi, iningra hit’et’ena. Egi worohanka khorairena, wairena: Washa de‐shesge Israel‐eja inkaga hajairanina.

³⁴ Eshi Pharisera wairena: Waxopinishishig jangra howahasjane waxopinishishig hung hiu waunjena.

³⁵ Egi Jesus jhinag‐xetera egi jhinag‐xununigra harnaj wouna, wohokhuhojhi warnineja washa wagigus‐shana, egi worag‐phi hung‐mara wihokhuna, egi howashara harnaj rushjawahina egi wankshig‐horogeja howashashanankhi harnaj rushjawahina.

³⁶ Egi jaja worohanka wajagi, naj‐wawogijana, hokikurushak wahirege esge, egi harnaj hoerake jhasga jhasgahirakara jushguni nisge hirege.

³⁷ Egi hironag warnira wawagena: Max‐hoikisherera hisgexji rokanana eshi warera jarnagkhirana.

³⁸ Esge gikarajwire maxhikishere Hirukanara max‐hoikishere harninegi warera howa‐huwagigikjena.