Matthaiga 8 - Winnebego Bible Portions 1907

¹ Egi jaja xe‐eja harnukanag kirigi wankshigra hornihe xete hironagshana,

² Egi horuxujre Lepra hisha jina egi gikarajshana, wena: Hirukanara hiraregishi, rushjahina shuruxurugshgunina.

³ Egi Jesus ara wajigre hianaga egi hikiorna wena: Haunkjena, ninushjankjena, egi higuana lepra harnira rushjana.

⁴ Egi Jesus wagena: Horuxujre inkisha hogiragnianje, eshi rarnaga egi nabhoruxaj hirukanainja kikawahaje egi nabhiruxajra wogaje Moses uwashira wijantira e higirerena.

⁵ Egi jaja Jesus Kapernaum‐eja hokewegi manape hung‐hisha hirajina gitajina egi wena:

⁶ Hirukanara wang ware harnira jhieja howasha mingankshana rora t’egshana, hawera rokanankshana,

⁷ Jesus wagena: Hahikjanena egi rushjahakjena.

⁸ Egi manape hungra horniharna egi wena: Hirukanara, inke washa hiakisgarnigaja jhi harnira inke horakawarnigishi, eshi hoit’erashana are egi ware harnira rushjankjena.

⁹ Wang hirukanaine harnina manape hitukanana: Egi wang de‐e wagarnana, rare hiagegi egi rarnana, egi hijaneisha hure hiagegi egi hunana egi ware harnira de‐e une hiagegi egi unana.

¹⁰ Jaja Jesus de‐e naxgungi khorena, egi hironagnanka wawagena: Hisgexjina hinigawina harnaxgu rokana shesgera inke hisha hiaenina, inke Israel wankshig regi reshge.

¹¹ Egi hinigawina, roha wiaxebhuregi egi wioireregi howajirekjanena egi Abraham egi Isaak egi Jakob hungma wangregi wakishu minaghirekjanena.

¹² Eshi ninkjang hing‐mainja herera hokawas rogeja wot’unairekjanena, eja xag‐hiranihekjanena egi hi‐rusgesgexji.

¹³ Egi Jesus manape hung‐jega wagena: Karare, egi jasge harnanaxgura shesge ningigirena. Egi ware harnira rushjana howagixeja.

¹⁴ Egi jaja Jesus Peter hojhieja hokewegi hijawina hiunira mingank hajarna egi howasha ro takaj‐nankshana.

¹⁵ Egi nab harnieja hikiorna egi ro‐takajra rushjana. Egi khikawaana egi wawagire‐jirena.

¹⁶ Egi jaja hoxjarna hakirigi, waxopinishishig harninera roha hagarni hajirena egi hoit’e harnira hikuanaga naxiragra jangra wowahasshana, egi howashara harnaj rushjawahina.

¹⁷ Prophet Esaias arnihera exji herekjege wena: “Exji howashasha harniwira russana egi howasha hiwarniwina wangagiuwina.”

¹⁸ Egi jaja Jesus worohaxji houine hajagi, ageja howare wa’shina.

¹⁹ Egi wowagax hiperes hisha hirajina, egi wagena: Hirukanara hironinaikjanena higu hajinja horawasheregi.

²⁰ Egi Jesus wagena: Washerekesira mopox harninankshana egi wanig wangregi herera homa harninankshana, eshi wankshig‐hinigra inke washanisha harninina hajinja nassura khanaikje‐nisgena.

²¹ Egi wironag hijane warnira hisha wagena: Hirukanara jorni jajiga karaxe re‐ingigire.

²² Eshi Jesus wagena: Hiroinagre, egi d’arnanka d’era wakaraxairekjena.

²³ Egi jaja waj hisha hokewegi wironag warnira hironaghirena.

²⁴ Egi horuxujre tejainja jashjara rokana hakirina, wajra jashja hirawuhinsh‐shana, eshi na‐nakshana.

²⁵ Egi hironag warnira hirahirarnaga egi ruxinkhi‐rena wairena: Hirukanara niambwiwine, hint’awina.

²⁶ Egi wawagena: Jagu‐u nanaxisharawishe? Harnaxgu xununig raniwira. Egi nashina egi maintajehira najisgina egi tejara, egi hatagra rokana kirijena.

²⁷ Egi wankshigra khorairena, wairena: Wang jasgeisha de‐e heregaja, maintajehira egi tejara reshge harnaxguine.

²⁸ Egi jaja ageja higi Gergese mainja, eja waxopinishishig harninera nupiwi hakijarna, wanaxi homingeja hihinabhirena, wajexira rokana hirena, inke wankshigra hisha eja howe ruxurugnina.

²⁹ Egi horuxujre, uwainena, wairena: Jagu ningiu hajeshe, Jesus ne Maura hinigra ninegaja? Kheni hereni hawe hina rajiwishe?

³⁰ Egi eja hiroharixji xguxgushe hornihe xeteisha wakananankshana.

³¹ Egi waxopinishishigra gitairena, wairena: Hihinab hinagigikjawigi xguxgushe horniheja howaire hingigiwire.

³² Egi wawagena: Rawire, egi jaja hihinab hiregi, xguxgushe horniheja howahiarairena. Egi horuxujre, xguxgushe horniheaka harnaj hiranukanageja nuwangra rokana wauinena tejainja howahiarairena, egi nieja d’airena.

³³ Egi wirakaranankhi gias‐hirena egi jhinag‐eja howakarairena egi washara harnaj horag‐hirena, egi waxopinishishig warninagra jagu howairegi.

³⁴ Egi horuxujre, jhinagra harnaj hihinabhirena Jesus hirajirena egi jaja hajairegi gitairena, hijej harnineja hihinab anaga nigeowakere giphinangi.