Matthaiga 3 - Winnebego Bible Portions 1907

¹ Egi hambnanka eja John Niwawaxunga nashin a Judea mojainainja wahokhunjena.

² Egi wena: Najgerakarategwire, wangregi hung‐mara jiginige esge.

³ De‐e erena Esaias prophet hisha horagnihera wena: Hora jantinjena hisha mojainainja wahokhura, Hirukanara nagu harnira hirushjagigiwire, egi mowe‐nagura rojangigiwire.

⁴ Egi John she‐e, washa huxashog‐hin wonashi‐isha hornashina egi waxuipirag hisha hipiragshana. Egi waruj warnira sasajge hirena egi hesigdanishu hojainainja here.

⁵ Egi Jerusalem hajira egi Judeara harnaj, egi Jordan ma hogigixanka harnaj hirahina.

⁶ Egi Jordan‐eja niwawaxuna egi washa woishana warninera wokaraghirena.

⁷ Eshi jaja Pharisera egi Sadusera roha niwawaxu harnieja hahiregi, wawagena: Wakhan wankshighii‐harajane, peshe hornigiragwigaja howogitegra jikjanegi ragigiaswishe?

⁸ Esge has phi haminagwire najgerakarategwige.

⁹ Egi Abraham hianjhawira heregaja inke hirawinianje. Hisgexji warnigawina, Maura ruxurugnankshana ininagre kikawa‐a wahianaga Abraham ninkjang warninana.

¹⁰ Egi shegunegi najega rejueja masra agi hagarninankshana. Esge nara jarnaga inke has phi haminaginigi, waiwank‐hirekjanena egi pej‐eja wot’unairekjanena.

¹¹ Hisgexji ni wagiu hajena harnipaxu hajane, washa woishana najgekarateg, eshi hisha hiroinag jira, hiraijera mashjana, hotujis‐shana, E waguje harnira inke wagarniu hiakisgarnina, E Naxirag Wakanjangra harniwaxukjanihawina, egi pej hirassa.

¹² Waisgabporoporo hiwamaxisha harnijena, egi waisgab‐hoissu hou harnira sge‐karagikjanena. Egi waisgab‐hojhieja waisgab warnira hosto‐wahikjanena, eshi waisgab‐hara taxuwahikjanena manegus pej‐eja.

¹³ Egi shejananegi Jesus Galilea‐eja howajina, Jordan‐eja jina, Johnga hirajina, ni‐hawaxu‐hirekjege.

¹⁴ Eshi Johnga rogixina, wena: Ne‐eshi ni‐shawaxungi phinana, egi neja hirairajigaja?

¹⁵ Egi Jesus horniharna wagena: Sheguhiarnaga hingiunane, shesgegi phinana, hophira harnaj exji herekjege. Egi giuna.

¹⁶ Egi jaja Jesus ni‐hawaxuinegi, higuana nieja anjinakshana. Egi horuxujre, wangregi giruhas hirena, egi Maura Naxirag harnira harnukanag‐hu hajarna, rujgesga hikisge, egi hasherena.

¹⁷ Egi horuxujre, wangregi hora howajina, wena: De‐e hinigha wagixetera herena, E hakaraipixjina.