Matthaiga 24 - Winnebego Bible Portions 1907

¹ Egi Jesus hihinabanaga egi wohokhu‐hojhixetenaka eja nigiowarena. Egi wironag warnira hirahirena wohokhu‐hojhixetenaka houna hajagigirena.

² Eshi Jesus wawagena: Washa de‐e harnaj hashjawishe? Hisgexjina hinigawina, inke inira hisha hirajakikanag harnaganikjanena inke rushe phininagre.

³ Egi Oliw‐xe hihageja minaganaku wironagra hirahirena inekhi, wairena: Hungiragwire washa de‐e jajanagi herekjanegishi? Egi rajikjanegi jaguisha wijantinkjanegi egi moshejara herekjanegishi?

⁴ Egi Jesus horniharna egi wawagena: Hirakarauwine inke hisha nigishjanke‐nikjawina.

⁵ Egi roha rash harnira hiunjikjanena, wairekjanena, Kristus newinena. Egi roha gishjankerekjanena.

⁶ Egi kisaire warnanaxgu‐kjanihawina egi kisarnank horaghirekjanena. Horuxujwire egi inke naxirawinianje. Washa de‐e harnaj jasgegi herekjanena, eshi hoshejara kheni hereni waunkjanena.

⁷ Wankshig hokirajra hakikirairekjanena, egi hungmara hakikirairekjanena, egi dokewehi hirekjanena, egi Pestilensra egi mara‐hixgakjanena ningeshana.

⁸ Washa de‐e wonajgetegra hojikerera herekjanena.

⁹ Egi nirushjare hirekjanihawina hawewahieja egi d’eninekjanihawina egi wankshig‐hokirajra harnaj hornish’ighirekjanihawina, rash harnira hawau.

¹⁰ Egi roha watoxinkjanena egi himakirag‐hirekjanena egi hokish’ig‐hirekjanena.

¹¹ Egi prophet woishjankera roha nashinkjanena egi roha gishjankerekjanena.

¹² Egi wigishanara rohankjanege, esge worohanka howoxete harninera rashjainekjanena.

¹³ Eshi hisha hoshejainja hipa hiwanuxshagi hiungi, e niaimbkjanena.

¹⁴ Egi hungmara woragphi harnira managre harnaj hihokhuinekjanena e wankshig‐hokirajra harnaj wihowagigikjanena, egi hoshejara jikjanena.

¹⁵ Egi jaja homahujairera noxgaresge harnira ma‐wakanjangeja nashinje hashjawigi e Daniel prophetra horagshana (higu peshe de‐e egi harnaxgunkjena),

¹⁶ Jarnaga Judea mowagaxeja uankhi xexeteja hogiashirekjena.

¹⁷ Higu peshe jhi‐hihageja unjegi inke d’ampanaga jhihojhieja washara hisha kurusnikjena.

¹⁸ Egi higu peshe maxeja unjegi inke kirianaga waini kurusnikjena.

¹⁹ Najogijaisge hirekjanena waujganag‐anankhi, egi jarnaga hambananka eja wasiwagiginankhi.

²⁰ Eshi gikarajwige hogias hashiniwira inke maninegi herenikjena egi inke shige Sabath‐hambeja.

²¹ Shejanagi hawera rokana hirekjanena, managre jegjinakhi egi tegi hipa inkaga shesgarnina, inkaa, egi inkaga shesgarnikjanena.

²² Egi hambananka inke shib‐wahiranigi inke wankshigra hisha niambnikjanena. Eshi gijainera hawau hambananka shib‐wagigirekjanena.

²³ Shejanagi hisha wanigekjanihawina horuxujwire Kristus egi jena, egi shige goja jena, inke warnaxguwinianje.

²⁴ Egi Kristi woishjankera nashinekjanena egi prophet woishjankera nashinekjanena egi washa woijanti egi wowakanjak rokana jantihirekjanena, ruxurugphingishi gijainera waishjanke hiranana.

²⁵ Horuxujwire, kheni hereni hornigitagwina.

²⁶ Esge wanigairekjanihawina, horuxujwire, mojainainja unjena, inke eowarawinianje, horuxujwire, jhiakohi nuxawainja unakshana inke warnaxguwinianje.

²⁷ Egi wakanja‐hojamb hikisge wiaxebhuregi howajikjanena egi wioireja hatashara hirakere, shesge Wankshig‐hinigra jigikjanena.

²⁸ Higu hajainja ro‐d’erakhi, egi jaxshebra stokhihirekjanena.

²⁹ Hamb hawarnanka hageja higuana hambwira hokawais‐kjanena egi hahewira inke hohamb‐hinikjanena, egi wiragoshgera shibrairekjanena, egi homashja wangregi herera hixgainekjanena.

³⁰ Egi shejanagi wangregi Wankshig‐hinigra washa woijanti warnira jantinekjanena. Egi shejanagi wankshig‐hokiraj manegi herera harnaj xag‐hirekjanena, egi Wankshig‐hinigra wangregi maxiwieja huhe hajairekjanena, homashja egi gloria rokana harni.

³¹ Egi waxopiniwarajire warnira hu‐wagigikjanena, dutuera mashja wowexu hajirekjanena, egi sto‐wahirekjanena gijaine warnira hohuhira hijopihike howe‐warnihakirirekjanena, maxi hosheja akhi warni‐hakirirekjanena.

³² Washa hisgera Fig‐nara hipereswire, jaja akarajgera naroni hoshuiregi egi abra haxeb‐hiranana, hirapereswinana dogra hiwusunsh hotara.

³³ Hishge shesgawiaje, jaja washa de‐e harnaj hashjawigi, hipereswiaje hiwusunsh hotara jhirobeja jena.

³⁴ Hisgexjina hinigawina, wankshig‐hoi de‐e inke shejanikjanena, jaja washa de‐e harnaj exji heregi epa.

³⁵ Maxira egi mara shejainekjanena eshi hoit’e harnira inke shejanikjanena.

³⁶ Eshi hamb‐she‐e egi howagix‐she‐e inke hisha hiperesnikjanena, inkaa, inke waxopiniwarajire wangregi herera hiperes‐hiranikjanena, eshi Jajiga eshana.

³⁷ Eshi Noah hamb warnieja wauinera shesgekjanena, hishge shesgekjanena Wankshig‐hinigra jikjanegi.

³⁸ Wankshignaka jasge hiranihera hamb‐eja kheni ninjara jini, waruj‐hirena, rajgainena, kikanag‐hirena, egi kikanag‐wagigi‐hirena, Noah waj‐eja hoikewera hambejipa,

³⁹ Egi inke washara hisha hiperes‐ninank’u, ninjara jina egi harnaj warninena, hishge shesgekjanena Wankshig‐hinigra jigi.

⁴⁰ Egi shejanagi nupiwi maxeja u‐anjegi, hisha rushiranaga egi hijanejega t’unairekjanena.

⁴¹ Hinugra nupiwi worujobeja warujob‐nankhi, hisha rus‐hiranaga egi hijanejega t’unairekjanena.

⁴² Esge hirakara‐uwine, inke hiraperesni‐harajena Hirukana hashiniwira howagix hajinja jikjanegi.

⁴³ Eshi de‐e wewiwianje: Jhi‐hirukanara hiperesgi howagix hajinja wamanukera jikjanegi, hirakaranana, egi jhi harnira inke gixux hokewe‐gigininana.

⁴⁴ Esge nishge hikoroho‐hajanje, howagixra hisha‐eja inke shesge shewewini‐harajau Wankshig‐hinigra jikjanena.

⁴⁵ Egi peshe wogisogjeshe egi ware wanaiksabshe e hirukana harnira jhi harnira hirukana‐wagiginashe hijarna‐jexjinga waruj wogarnashe?

⁴⁶ Ware she‐e wogishawarnana e hirukana harnira jaja kirigi deshesge hijau hiegi.

⁴⁷ Hisgexjina hinigawina, jarnaga washa warnira wirukana‐giginana.

⁴⁸ Eshi ware wowonkjega najge harnira wakara‐garnana: Hirukana harnira si‐i inke kirini sheshi,

⁴⁹ Egi wangware wakishura wawojinjirena, egi warujanaga egi warajganaga jarnigshana,

⁵⁰ Warajega hirukana harnira hamb‐hishaeja inke karakjamb‐nijau kirinana, egi howagix eja hawushirihinana.

⁵¹ Egi hoikunugra nup hiranana, egi hipokritra wawikisge ungiginana, eja xagni‐harnana egi hirusgesgexji.