Matthaiga 18 - Winnebego Bible Portions 1907

¹ Howagixeja wironagra Jesus hirajirena egi wairena: Hajanga xetera herewishe hungma wangregi herera?

² Egi Jesus ninkjang xununigisha gigorna, egi horoghireja kerena egi wena:

³ Hisgexjina hinigawina, shawakshawinigi egi ninkjang xununig hirakisgawinigi, inke hungma wangregi horakawanikjanihawina.

⁴ Esge higu peshe kushi hakikaranianaga ninkjang xununig de‐e hikisgegi, e hungma wangregi xetera herenana.

⁵ Egi higu peshe ninkjangnig deshesgera hisha rusgi rash harnira hawau waungi hirus‐waunana.

⁶ Eshi higu peshe xununig deshesgera hishaharnaixgujau, washoshishig‐u hawaxawairegi, e hiraijera wojexi wakik’unana, ini wirujobra hisha nap’in‐gigirarnaga egi tejainja hot’unairegi e inke wojexi wagiuraninana.

⁷ Hawekjanena managre washoshishig u wawaxawajege esge, jasgegi washoshishig‐u wawaxewera jikjanena, eshi wankshigjega hawekjanena e washoshishig‐u wawaxawajegi.

⁸ Esge nab hashinira egi shige si hashinira washoshishig unigi, gikunugaja egi nigewotunaje, e hiraijera niphinana wankshig‐hoieja horakewegi manirushag egi hokishig, eshi nabra nupiwianaga egi shige sira nupiwi egi manegus pejeja hot’unairera e wojexinana.

⁹ Egi hishjasu hashinira washoshishig unigi, rushorojaje egi nige hot’unaje e hiraijera niphinana wankshig‐hoieja horakewegi hishjasura hishankira, eshi hishjasura nupiwi harni egi pej‐shishig‐eja hot’unairegi e wojexinana.

¹⁰ Hirakara‐uanje xununignagre hisha inke hosh’igwinianje, hisgexjina hinigawina waxopiniwarajire warnira wangreginagre hoishib Jajiga wangregi nagre hishjara hajarnakshana.

¹¹ Wankshig‐hinigra niambwahijina jarnaga xawarniankhi.

¹² Jagu hirarawishe? Wankshigra hisha jhasgara hogihisha harnigi egi hisha gixawarnigi, jasge inke kerepanahishhanki‐jushguni‐anaga‐hishankijushguni‐hashananka eja washuanaga egi xe‐hojueja howaraninashe egi gixawarniga horni raninashe?

¹³ Egi hik’egi, hisgexjina hinigawina jhasga she‐e hawau hiraijera wogishawarnana, kerepana‐hishankijushguni‐anaga‐hishankijushguni‐hashana inke xawarninianka e worujis hiranana.

¹⁴ Egi shesgarnakshana Hianjrawiga wangreginagre xununignagre shesgera hisha xawarnigi inke giphininana.

¹⁵ Egi rakhinubra washinigishanagi rarnaga washa woishana ningiunga hogiragaje inekhi, egi harnanixgungi rakhinubra rakuruxuruigkjanena.

¹⁶ Eshi inke harnanixgunigi, hisha nigeshge nupiwi hakishuraje wihohira nup danixjiwingi hoit’era jarnaga airegi hisgarnana.

¹⁷ Egi inke warnaxgunigi wohokhu‐hojhieja horagaje, egi shige inke wohokhu‐hojhieja herera warnaxgunigi hirarujeja here hikisgehiaje egi Publikanra.

¹⁸ Hisgexjina hinigawina higu peshe ma‐hihagregi shurusgijwigi wangregi rusgij‐hirekjanena egi higupeshe ma‐hihagregi shurushgawinigi wangregi rushgairekjanena.

¹⁹ Egi shige wanigawina, nupji ma‐hihagregi wanaira horeishankira rawianaga washara hisha ratawigi Jajiga wangreginagre ningiunkjanihawina.

²⁰ Higu hajinja nupiwi nigeshge dani rash harnira hawau stoiregi, horoghireja hajekjanena.

²¹ Egi Peter hirajina egi wena: Hirukanara jarnaha hakhinubra washingishanagi egi hagit’untanashe? Shagowihainja hiparnashe?

²² Jesus wagena: Inke shagowi‐hainja hipa hinigarnina, eshi kerepana‐shagowira shagowi‐hainja hipa.

²³ Esge hungma wangregi herera hung hisha hikisgena e ware warnira wowagaxra wagirussana.

²⁴ Egi jaja wawigikarab‐jiregi, hisha hirajigi e hogihixete‐kerepanaisha Talentra rushagshana. ($14,400,000.)

²⁵ Eshi inke hirowehi hiruxurugnigi hirukana harnira wiruwinekje ena, egi hijawina egi ninkjangnigra egi jarnaga washara harnigi harnaj, egi e wirowehi wiunkjege,

²⁶ Egi warajega jowehieja himpshana egi gikarajshana wena: Hirukanara warnaiserej hingiune, egi harnaj hiroweningigikjena.

²⁷ Egi hirukana ware harnira naj‐hogijana egi girushjanehianaga egi shige wawagaxrushagra git’unena.

²⁸ Eshi ware e hihinabshana egi ware wakishura hisha hiena e Denaria hogihisha girushagra ($15:00) egi harukosanaga egi doxi‐horushgana, wena: Hirowe hingigire jarnaga hinagishurushagra.

²⁹ Egi ware hakishura si hieja jimpshana egi gitarna, wena: Warnaiserej hingiune harnaj hirowe‐ningigikjanena.

³⁰ Egi inke unina, eshi rarnaga egi jhi‐hornassena, jarnaga girushagkhi hirowe‐higishana epa.

³¹ Egi ware wakishura hajairena jagu ura, mashja najgerateghirena, egi hakiriranaga egi hirukana harninera harnaj hogiraghirena jagu uinera.

³² Egi hirukana harnira, hageja gigorna wagena: Ware wowouk ranigaja, jarnaga shurushagra harnaj ningit’untena, hinagitage esge.

³³ Jasge inke ware harakishura nishge naj‐horagijanishe, naj‐hornigijara shesge.

³⁴ Egi hirukana harnira mashja wogitegshana, egi hawewahieja horushjarehina, jarnaga girushagki harnaj hirowe‐higishana epa.

³⁵ Egi hishge shesge ningigikjanihawina Jajiga wangregi‐nagre, warakhinub‐wira hisha washa hiningishanawingi inke najge washiniwieja harnaj waragit’u‐sharawinigi.