Matthaiga 17 - Winnebego Bible Portions 19071 Egi hambra akewe‐hanaga hageja, Jesus Peter egi Jakob egi khinubra Johnga warussana, egi xe‐hankshi hihageja warnihina inekhi. 2 Egi hajara hijakhina jowehireja, egi hishjara hatasharna wira hikisge, egi waini warnira sgairena hatashara hikisge. 3 Egi horuxujre Moses egi Elias janti‐wagikhinena egi hokit’airena. 4 Egi Peter hit’et’ena egi Jesus wagena: Hirukanara phiwawawigaja higiajiwira raiphingishi, jhira dani haunkjawina hisha ningiuwianaga egi hisha Mosesga, egi hisha Eliasga. 5 Higu hit’at’arnak’u, horuxujre, maxisga nige hoirahasi‐wagigina. Egi horuxujre maxisgananka‐eja hisha hit’et’ena e‐wena: De‐e Hinigha wagixetera herena, hakaraiphina, harnaxguwine. 6 Egi jaja wironagnanka de‐e naxgunegi hishjara mainja hirakhinip egi mashja naxirairena. 7 Egi Jesus hijahianaga egi wawikhiorna egi wena: Nashiwine egi inke naxirawinine. 8 Egi jaja woruxuj‐hiregaja inke nige hisha hajairanina Jesus eshana hajairena. 9 Egi xe‐eja harnukanag haguiregi Jesus warogixina jagu hajairera inke hisha hogirag hiranikje ena, Wankshig‐hinigra hot’eja kikawa‐angi epa. 10 Egi wironag warnira higiwaxhirena wairena: Jagu‐u Wowagax‐hiperesra waireshe Elias jasgegi jorni jikjaneshe. 11 Egi Jesus horniharna egi wawagena: Elias jasgegi jorni jikjanena egi washara harnaj wogisog wahikjanena. 12 Eshi warnigawina, Elias jiginina egi inke higiranina, egi jasge giginai giunankshana. Egi hishge Wankshig‐hinigra shesge gigirekjanena hawe‐hirekjanena. 13 Egi wironagnanka hiperes‐hirena John Niwawaxunga wagera. 14 Egi jaja worohanka eja hakiriregi wang‐hisha Jesus hirajina, joweja huporo‐himinaganaga egi wena: 15 Hirukanara, hinighara najogijane, wanaiwowonkjena, hawehirera rokanajena, dejankhi pej‐eja hokaneshununa, egi dejankhi ni‐eja hokaneshununa. 16 Egi wironag washinira wagarni hajira egi inke rushjahi ruxurug‐hiranina. 17 Egi Jesus horniharna egi wena: Inke harnaxguni wankshighoi egi wankshighoi hokixajanke raniwina, jajaixji hoja harnikishu hauwishe, jajaixji hoja harnini hauwishe? Hingarni huwire. 18 Egi Jesus waxopinishishigra najisgina, egi hihinabshana egi ninkjangnig‐jega howagixeja rushjahirena. 19 Egi wironagnanka Jesus injab hirahirena egi wairena: Jagu‐u inke jangra hopahas‐winishe? 20 Egi Jesus wawagena: Inke harnanaxguwinige wauna. Hisgexjina hinigawina, harnaxgu hashiniwira mustard sura hisha hikisgexjingi xe‐de‐e waragawinana, hawinjeja hoixanane, egi gixananana, egi inke washara hisha nigijexi‐wininana. 21 Eshi deshesgegishana jangra howahasnana gikarajanaga egi hantaginajgi. 22 Egi shige Galilea mowagax‐eja howe hikiware nank’u, Jesus wawagena: Wankshig‐hinigra himanag‐hirekjanena, wankshig nab harnineja, howairekjanena. 23 Egi d’ehirekjanena, egi hamb hidani‐hainja shige kikawa‐ankjanena. Egi mashja najgerateg‐hirena. 24 Egi jaja Kapernaum‐eja hahiregi, woirowe rus‐nankhi Peter hirajirena egi wagairena: Jasge Hirukana hashiniwira inke woirowera hirowe hinijeshe? 25 Hojia ena. Egi jaja jhieja hoikewegi, Jesus jorni hit’et’ena, wena: Jagu hiraregaja Simon? Hung manegi herera hajananka ma‐woirowera egi woirowera wagirusjeshe, ninkjang ewarnira nigeshge wankshig hijahina? 26 Peter wagena: Wankshig hijahina. Jesus wagena: Egi ninkjangnigra inke hirowe hiranishgunina. 27 Egi e inke wogiteg hiwa‐hinikjawige, tejainja howarare egi hoigisigra hisha hijotunarnaga egi hora jorni hisha raisigkhi rusanaga egi ira ragishuru‐ishabgi shurara nige hish’ekjanena, she‐e rusge egi wawogaje hirowe hingigianaga egi hirowe khianje. |
Published by the American Bible Society in 1907.
British & Foreign Bible Society