Matthaiga 14 - Winnebego Bible Portions 1907

¹ Shejanagaja Herodes tetrarxra Jesus hornaxguna.

² Egi ware warninera wawagena: De‐e John Niwawaxunga herena, e d’arnagra eja kikawa‐a kirina, esge wore rokanaxji unjena.

³ Herodes Johnga harukossana egi rusgijanaga egi jhihornassena, Herodias wauna e Herodes khinubra Philip hijawina herena.

⁴ Johnga Herodes wagege: Woehieja roxiagshana rakhinubra hijawina rakanagra.

⁵ Egi d’ehina‐nunige, eshi worohanka wanakewena, prophet‐hisha hereshe higirananke esge.

⁶ Egi jaja Herodes hamb‐hojuinera hiragigi worujxete uinena, Herodias hinugra wa’shina jowehireja, egi Herodes giphina.

⁷ Esge wihohianaga washa hokunkje mangirajshana higu‐jagura gitagi.

⁸ Egi hinugjega, jorni hiunira gigus‐shana, wena: John Niwawaxunga nasura egi hingarnijire wasge hokanag.

⁹ Egi hungnaka najgerategshana, eshi wihohiga hawau, egi jarnaga waruj wakishu minagka hawau, uwashina hinugjega hokuinekjege.

¹⁰ Egi rewagigina, egi Johnga jhi‐wornasse hojhiejanagra para giwaxhirena.

¹¹ Egi nassu harnira wasge‐hokanag harniakirirena, egi hinugjega hokuinena, egi hinugjega hiunira hagarnigina.

¹² Egi wironag warnira hajirena egi rora rus‐hiranaga egi xairena, egi harairanaga egi Jesus hogiraghirena.

¹³ Egi jaja Jesus naxgungi, wajowe mojainainja inekhi howarena. Egi jaja wankshigra she‐e naxguinegi, jhinageja herera mowe hironag harairena.

¹⁴ Egi Jesus hihinabshana egi worohaxji hajarna egi naj‐wawogijana, egi howasha warninera rushjawahina.

¹⁵ Egi jaja hoxjarnegi, wironag warnira hiragirena, wairena: De‐e mojaina heregaja egi hahe hikorohorna, worohangre kerewagigire, e jhinageja hagiranaga egi waruj kiruwihirekjena.

¹⁶ Eshi Jesus wawagena: Inke nige‐howakarairanikjena, waruj wogawire.

¹⁷ Egi wagairena: waisgab‐horok’ina saja harniajawina egi hora nupiwi,

¹⁸ Egi wena: Waiganihuwire.

¹⁹ Egi worohanka xawijojaija minag‐washina egi waisgab‐horok’i sajanka warussana, egi ho nuphahanka, egi wangregi horuxujshana, wa’inabshana, egi warujhe‐anaga egi wironag warnira horok’inanka wawogarna, egi wironagra worohanka eja wawogairena.

²⁰ Egi harnaj waruj‐hirena egi wainaj‐hirena, egi hoxjug hotawahirega warus‐hiregi napana kerepanaishanaga‐nup‐hashana hoixjina.

²¹ Egi waruj‐hirega ejaxji wangra hogihixete‐sajanguni hinugra egi ninkjangnigra inke hirassa waikarabnina.

²² Egi higuana Jesus wironag warnira wajeja hominag wa’shina, egi ageja joweja howakere wa’shina, worohanka kerewagigijanegi.

²³ Egi jaja worohanka kerewagigigi xe‐xeteisha eja hotina inekhi gikaraj. Egi jaja hoxjarnagi eja inekhi unjena.

²⁴ Eshi wajra shejananegi te‐najeja u‐ankshana, jhashja hirawanankshana, mahaxji uanke.

²⁵ Egi haheregi wirakara hijobeja, Jesus eowakerena, teja hihagra hamani.

²⁶ Egi jaja wironagnanka hajairegi teja hihageja maniankhi naxirairena, wairena: Naxirag hisha herena, egi uwainena naxirairege.

²⁷ Egi higuana Jesus wawokit’ena, wena: Wanaishguni uwine, newinena inke naxirawinine.

²⁸ Egi Peter horniharna egi wena: Hirukanara neninegi, uishire nieja hiranihikjena.

²⁹ Egi wena: Hure. Egi jaja Peter wajeja dampgi, nira hamanina, Jesus eowarena.

³⁰ Eshi jaja maintajehi xeteisha hu hajagi, naxirena, egi sawararena, uwana, wena: Hirukanara; niambwine.

³¹ Egi higuana Jesus ara wajigre‐hianaga egi harukosshana, egi wagena: Harnaxgu xununig ranigaja, jagu‐u khibarashe.

³² Egi jaja wajeja hoikawairegi maintajehira rushjana.

³³ Egi jarnaga waj‐ejaka hajiranaga egi gikaraj‐hirena, wairena: Hisgexjingaja Maura Hinigra ninegaja.

³⁴ Egi jaja harujairegi, Genesareth mainja hahirena.

³⁵ Egi jaja wankshig ma‐eja herera higiregi, ma‐hogigixanka worag‐howarehirena, egi jarnaga howasharakhi wagarni‐hajirena.

³⁶ Egi gitairena wai‐ug harnira eshana higikioirekjege, egi jarnaga hikiogi rushjaxji hirena.