Matthaiga 10 - Winnebego Bible Portions 1907

¹ Egi jaja hironag warnira kerepanaishanaga‐nup‐hashanara wakaragigogi, homashja wogarna naxirag shishigra wirukana wagigina jangra wowahas hirekjege, egi howasha hokirajra harnaj rushja wahirekjege, egi howashashara harnaj.

² Egi Apostel nup‐hashanara rashra de‐e hererena: Jegjina Simon e Peter higairena, egi khinubra Andreas higairena, egi Sebedai hinigra Jakob egi khinubra John.

³ Philip egi Bartholome, Thomas egi Matthai publikan hisha herena. Egi Alphe hinigra Jakob, egi Labbe e rash hinup harnira Thadde higairena.

⁴ Simon Kanaan wankshig‐hisha, egi Judas Iskariot e himanagshana.

⁵ Nup‐hashana de‐e Jesus re‐wagigina egi uwashina wena: Inke hirarujeja herera wowa‐rawinianje, egi Samaria wankshig jhinag warnirera inke wokawa winianje.

⁶ Eshi jhasga xawarni Israel wankshigra jhi‐harnineja nagra wowarawire.

⁷ Egi sharawigi, wahokhuwiaje, wawiaje: Hung‐ma wangregi herera hiwusunsh jina.

⁸ Howashara rushjawahiwiaje, lepra rushjawahiwiaje, d’era kikawa‐a‐wahiwiaje, waxopinishishigra jangra wowahaswiaje. Sang shuruswina, sang wogawiaje.

⁹ Inke shurasira egi shige shurasga egi shige mas‐sii shuroshu washiniwieja hoshu hanirawiniaje.

¹⁰ Egi shige inke waxupara hikiware wakara‐niwinianje, inke shige wonashi‐xetera nupiwi, inke shige wagujera, inke shige hissagu harniwinianje, wang warera worujra wagiunankshana.

¹¹ Egi jhinagxete jagura egi jhinag‐xununig jagura hisha horakawawigi, hiwaxwiaje peshe eja washinkisgajegi, egi eja hiwushawiaje sh’uwarajau eja rawiaje.

¹² Egi jaja jhira hisha horakawawigi hikaragiwiaje.

¹³ Egi jhinaka washinkisgegi rashguni hashiniwira harnikjanena eshi inke washinkisgarnigi rashguni hashiniwira hakja hiranikirikjanihawina.

¹⁴ Egi higu peshe inke niruswinigi inke shige hoit’e washiniwira, naxgunegi, jaja jhieja shige jhinageja hirahishanab‐wigi si washiniwieja majushishignanka wanajowiaje.

¹⁵ Hisgexjina hinigawina ma Sodom egi Gomorah‐eja herera hiraijera hiroheg howairekjanena hamb woehieja, jhinag she‐e hiraijera hawekjanena.

¹⁶ Horuxujwire jhasga hikisge shunkjang horogeja howare‐ningigiwina, esge wakha wowanaiksab hikisgawiaje, egi rujgesga hikisge inke waishjankeni.

¹⁷ Eshi wankshig hinakewe khinianje woehieja harnini hahirekjanihawina, egi wohokhuhojhi warnineja washa pahi hinigipsinj hirekjanihawina.

¹⁸ Egi washirukanainja egi hungeja harnini hahirekjanihawina ne‐hawau, wihohi wirakirakjanena egi hirarujeja herera.

¹⁹ Eshi jaja nirus‐hirawigi inke wewiwinianje jagu hishekjanihawigi, hornikuinekjanihawina howagixeja jagui‐shekjawira.

²⁰ Inke ne‐hirat’atarnikjanihawina, eshi Hianjrawiga Naxirag harnira E hinigit’etekjanihawina.

²¹ Egi khinubra khinubra d’ehire karaginana, egi hianjhirera ninkjangra d’ehire karaginana egi ninkjangra shagwahirera wakirairekjanena, egi d’ehire wahirekjanena.

²² Egi wankshigra harnaj hornishig‐hirekjanihawina rash harnira hawau. Eshi hisha hoshejainja hipa hiwarnuxshagi hiungi niaimbkjanena.

²³ Eshi jaja jhinag degi hinigishana nainawigi, hijahhogiaswiaje. Hisgexjina hinigawina, Israel jhinag warninera kheni harnaj horawawini, wankshig‐hinigra jikjanena.

²⁴ Wawagax‐hajara inke wawagaxhajawagigi harninera hirashana ninankshana, egi shige warera inke hirukana harninera hirashana ninankshana.

²⁵ Hinanankshana wagax‐hajara wawagaxhajawagigi harninera hikarakisgairegi, egi warera hirukana harninera hikarakisgairegi. Jhi‐hirukanara Beelsebub higairegi jasge hojhieja herera inke hiraijeraxji wawagairaninashe?

²⁶ Esge inke naxirawinine. Washa jagu harukanankhi jantinekjanena, egi nuxawanankhi hipereswahirekjanena.

²⁷ Hokawas‐eja jagu hornigitagwire, hohambeja hosharaikjawina egi nuxhopoxeja jagu nanaxguwira, jhi‐hihageja wihorakhunkjawina.

²⁸ Egi inke wanakawawinianje ro‐d’ehinanka egi inke naxirag d’ehi ruxurug‐ninankshana. Eshi nakawawiaje e naxiragra egi rora maisinsh wahi‐ruxurugjera pej‐shishigeja.

²⁹ Jasge inke wanig sparora wigairera nupiwi shurashuj‐hisha wawiruwinanishe? egi inke de‐e hisha Hianjrawiga woshga harnira rokani mainja hoshibranikjanena.

³⁰ Egi hisgexji naju washiniwira harnaj gikarab‐nankshana.

³¹ Esge inke naxirawinine, hiraijera hirakisge harajena wanig sparo wigairera rohaxjishge hornirujis hirawinana.

³² Higu peshe wankshig‐joweja hunkaragkhi e hishge Jajiga wangreginagre jowehieja wakaraikjanena.

³³ Eshi higu peshe wankshig‐jowehieja khibaikhingi e hishge Jajiga wangreginagre jowehieja khiba‐khinkjanena.

³⁴ Inke ma‐egi rashgunira ji‐wagigi hajishe hirawinianje, inke rashgunira ji‐ha hajinina, eshi wigijgux harnianjina.

³⁵ Egi hajire wankshigra kiruje‐wakerena, hianjra hakarakiranana egi hinughirera hiunira hakarakiranana, egi hinug‐jegra hikorokera hakarakiranana.

³⁶ Egi wankshigra hokikjewajabra hojhieja herera hererekjanena.

³⁷ Hisha hianjra egi shige hiunira hiraijera wawogixetegi, worujiswinegi, inke washinkisge wininana, egi hisha hinugra hiraijera wawogixetegi, worujiswinegi, inke washinkisge wiraninana.

³⁸ Egi hisha naramihera inke kurusnianaga egi hiroinagkhi inke washinkisge wininana.

³⁹ Hisha wankshig‐hoira hik’egi xawanihikjanena, egi hisha wankshig‐hoira xawani‐karagigi Ne hawau‐waungi hik’ekjanena.

⁴⁰ Hisha niruswigi hirus‐waunkjanena, egi hisha hirusgi huingigira rus‐waunkjanena.

⁴¹ Hisha prophet hisha rusgi, prophet rashra hisha hawau, prophet hisha woirowe ruisjanena, egi hisha wangphira hisha rusgi, wangphi rashra hisha hawau waungi, wangphira hisha woirowe ruisjanena.

⁴² Egi higu peshe xununignagre hisha ni‐sinira horajgaisha hokunegi wironagra hisha rash harnira hawau wauinegi hisgexjina hinigawina, jasgegi woirowera inke gixa‐warninikjanena.