Matthaiga 1 - Winnebego Bible Portions 1907

¹ Hokijhu wagax Jesus Kristus harnira Dawid hinigra, Abraham hinigra.

² Abraham Isaak hagarninena, egi Isaak Jakob hagarninena, egi Jakob Judas egi wakhinubra wagarninena,

³ Egi Judas hijawira Thamarga Phares egi Sara wagarnina, egi Phares Esrom hagarninena, egi Esrom Aram hagarninena,

⁴ Egi Aram Aminadab hagarninena, egi Aminadab Nahasson hagarninena, egi Nahasson Salmon hagarninena,

⁵ Egi Salmon hijawira Rahabga Boas hagarnina, egi Boas hijawira Ruthga Obed hagarnina, egi Obed Jesse hagarninena,

⁶ Egi Jesse Dawid hungra hagarninena, egi Dawid hungra Urias hijawihinihera Salomon hagarnina,

⁷ Egi Salomon Roboam hagarninena, egi Roboam Abia hagarninena, egi Abia Asa hagarninena,

⁸ Egi Asa Josaphat hagarninena, egi Josaphat Joram hagarninena, egi Joram Osias hagarninena,

⁹ Egi Osias Joatham hagarninena, egi Joatham Axas hagarninena, egi Axas Esekias hagarninena,

¹⁰ Egi Esekias Manasse hagarninena, egi Manasse Amon hagarninena, egi Amon Josias hagarninena,

¹¹ Egi Josias Jexonias egi wakhinubra wagarninena egi wauinena Babilon eja warni hahirera.

¹² Egi Babilon eja warni hahiranaga hageja Jexonias Salathiel hagarninena, egi Salathiel Sorobabel hagarninena,

¹³ Egi Sorobabel Abiud hagarninena, egi Abiud Eliakim hagarninena, egi Eliakim Asor hagarninena,

¹⁴ Egi Asor Sadok hagarninena, egi Sadok Axim hagarninena, egi Axim Eliud hagarninena,

¹⁵ Egi Eliud Eleasar hagarninena, egi Eleasar Matthan hagarninena, egi Matthan Jakob hagarninena,

¹⁶ Egi Jakob Joseph hagarninena Maria hikanara, eja Jesus harninena E Kristus higairena.

¹⁷ Hokijhura harnajra Abraham eja hura Dawid ejipara hokijhu kerepanaishanaga‐jop‐hashanana. Egi Dawid eja hura Babilon eja warni hahirega ejipara hokijhu kerepanaishanaga‐jop‐hashanana. Egi Babilon eja warni hahirera Kristus ejipara hokijhu kerepanaishanaga‐jop‐hashanana.

¹⁸ Egi Jesus Kristus jhuinera deshesge hirena: Jaja hiunira Maria Joseph khanaikjane manajgi, kheni khikanag hirani, hinugjega waujganag‐jau hierena, Naxirag Wakanjangra wauna.

¹⁹ Egi Joseph hinugjega hikanara wang‐phisha herege, esge inke harnaj janti wagigianaga hiroshig hinikjege, eshi nuxawa t’unekje hirena.

²⁰ Egi washa de‐e wewijau, horuxujre Hirukanara waxopiniwarajire harnira jantingikhina hihantehina, wagairena: Joseph Dawid hinigra neninena, inke nakawanine Maria hijawinaga rusre, waujganagjega Naxirag Wakanjangra wauna.

²¹ Egi hojinjinig hisha jhunkjanena, egi rashra Jesus hiragekjena, wankshig warnira niambwahikjanena washa woishana warnineja nagre esge.

²² Washa de‐e harnaj uinena, exji herekjege jagu Hirukanara era, prophet hisha egigina, wena:

²³ Horuxujwire, hinugwajeg hisha waujganaikjanena, egi hojinjinig hisha harnikjanena, egi rash harnira Emmanuel higairekjanena, de‐e hiroragra herena Maura wangakishu uwina ewairena.

²⁴ Egi Joseph nanakhi kikawa‐ana, Hirukanara waxopiniwarajire harnira jagu ushira, shesge hina, egi hijawina kurussana.

²⁵ Egi inke hiperesnina jaja ninkjang‐jorni harnira jhungi ejipa. Egi rashra Jesus higena.