Markga 3 - Winnebego Bible Portions 1907

¹ Egi shige wohokhu‐hojhieja hokewena, egi wangisha ejanankshana, e nabra d’akasere.

² Egi hirakarairena Sabath hambeja rushjahiege hirairege, e washinaraj‐hirekjege.

³ Egi wang nab‐takaserenanka wagena: Hokissagregi nashine.

⁴ Egi wawagena: Sabath hambregi jagu hiuwigi phinkjaneshe, washophi u‐anaga nigeshge washoshishig unashe? Hisha niambhianaga nigeshge hisha d’ehinashe? Eshi inke xabhiranina.

⁵ Egi jaja hogigix woruxujshana wogiteg, najgerategshana najge warninera warnuxshag‐hirege, wangjega wagena: Ara wajigre, egi ara wajigshana, egi nabra niambshana hirakissanigra hikarakisgena.

⁶ Egi Pharisera hihinab‐hiranaga egi higuana Herodes ware warnira wakishu karagus‐hirena hakira, jasgehiranaga d’ehiranagi.

⁷ Eshi Jesus nigeowakerena wironag warnira wakarakishu tejana howarena. Egi hornihexete Galilea‐eja howaji hironag‐hirena egi Judea‐eja howaji.

⁸ Egi Jerusalem‐eja howaji egi Idumea‐eja egi Jordan ageja, egi Tirus egi Sidon hiwusunsh jhinakhi hornihe xetexji, jaja naxguinegi washa rokanaxji unjegi hirajirena.

⁹ Egi wironag warnira wawokit’ena, wajra hisha hirushja gigirekjege hornihe‐xeteaka hawau e inke hiranassunsh hiranikjege.

¹⁰ Roha rushjahina, hiranassunsh hahurnankshana hikiornai, jarnaga tetegankhi.

¹¹ Egi naxirag shishigra jaja hajairegi, jowehieja jimphirena, egi uwainena, wairena: Maura Hinigra neninegaja.

¹² Egi harojaxji warogixina, inke hiperes‐hirehi wahiranikjege.

¹³ Egi xexete hisha eja hotina, egi peshe giphingi wagigorna egi hirahirena.

¹⁴ Egi nuphashana injabkerena, e hakishu uinekjege, egi wahokhu rewagigikjege,

¹⁵ Egi homashja harniwagigina howasha rushja hirekjege, egi waxopinishishig jangra howahas‐hirekjege.

¹⁶ Egi Simon rash hinup harnira Peter higairena.

¹⁷ Egi Sebedai hinigra Jakob, egi Jakob khinubra Johnga egi rash hinuphisha harniwagigina Boanerges wigena, wakanjara hinig wahira wige wena.

¹⁸ Egi Andreas egi Philip egi Bartholomea egi Matthaiga egi Thomas, egi Alpheus hinigra Jakob, egi Thaddeus, egi Simon Kanaan‐eja hereisha,

¹⁹ Egi Judas Iskariot, e himanagshana, egi jhi‐hisha eja hokawairena.

²⁰ Egi shige worohaxji hija storna, inke waisgab ruj ruxurug phinina.

²¹ Egi jaja washawahira naxguinegi hihinabhirena hakurukos‐hirekjege, wairena: Warnaxi‐howankjena.

²² Egi wowagax‐hiperesra Jerusalem‐eja howajiregi wairena: Be‐elsebub harnijena, egi waxopinishishig hungra hiuanaga waxopinishishig jangra howahasjena.

²³ Egi wagigorna, egi wawagena washa hisgera hiu: Jasgehianaga Satanra Satan jangra howahasnashe?

²⁴ Hungmara hisha khirujekhi‐anaga hakikiragi hungma she‐e inke nashi ruxurugninana.

²⁵ Egi jhira hisha khirujekhi‐anaga hakikiragi jhi she‐e inke nashi ruxurugninana.

²⁶ Egi Satanra nashianaga hakikragi egi khirujekhingi, inke nashi ruxurugninana, eshi sheja hiranana.

²⁷ Inkisha wang mashjara hojhieja hokawaninana, egi washa warnira wanasheninana, inke jorni wang mashjajega rusgijninashe, egi hagenigi washara wanashenana.

²⁸ Hisgexjina hinigawina: Washa woishanara harnaj wankshigra wagit’unairekjanena egi, raxjashgunira, higu peshe raxjashgunigi.

²⁹ Eshi hisha Naxirag‐Wakanjangra hakira raxjashgunigi, inkaga git’unairanikjanena, eshi wigishanajanana manegusdi hawanana.

³⁰ Naxirag shishig hisha harnijena airege esge.

³¹ Egi wakhinubra egi hiunira hajirena, egi jangeja nashinankshana gigo‐wagigirena.

³² Egi worohanka hogigix minagnankshana, egi wagairena: Horuxujre, hiuniraga egi warakhinubra jangregi hornininankshana.

³³ Egi wawornigiharna wena: Peshe naniga hereshe, shige wakhinubgi?

³⁴ Egi hogigix horuxujshana hijaminag‐anankhi, egi wena: Horuxujwire, naniga egi wakhinubra.

³⁵ Higu peshe Maura woshga harnira ungi e hakhinubra herena egi hinughajabra egi naniga.