Markga 16 - Winnebego Bible Portions 1907

¹ Egi jaja Sabath‐hambra haixagi, Maria Magdalena, egi Jakob hiunira Maria, egi Salome maka pana phi ruwinena, hahiranaga hiwashairekjege.

² Egi hainixjinig, hambjornira haramihe‐hambregi wanaxihoshueja hahirena, wira haxebgaja.

³ Egi wakigairena: Peshe inira nige wangagiwarnakjanihawishe wanaxi‐hoshu jhirob‐ejarnagra?

⁴ Egi eja horuxuj‐hiregaja, hajairena inira hijahi hawanainera. Ininaka mashja xetege.

⁵ Egi wanaxi‐hoshueja hokawairegaja, hajairena wanghojinji hisha hoishoroija minaganakshana, wonashi serej sgaisha hornashi, egi naxirairena.

⁶ Egi wawagena: Inke naxirawinine, Jesus Nasaretheja herera horani harajena, E naramiheja haisaraj‐hirera, kikawa‐ana, inke higiagnina: Horuxujwire hajinja t’umbhirera.

⁷ Eshi karawige, wironag warnira wogiragwire egi Peter, Galilea‐eja jowerawieja howarena. Eja hashjakjanihawina, jorni shesge hinigawina.

⁸ Egi xapge hihinab‐hirena, egi wanaxi‐hoshueja giashirena, gisassa‐hirena egi khorairena. Egi inke hisha washa higairanina, naxirananke.

⁹ Egi jaja Jesus kikawa‐angi hamb‐jornira hainixjinig haramihe‐hamb hambeja, jorni Maria Magdalena jantingikhina, hinug she‐e eja waxopinishishigra shagowi jangra howahasra herena.

¹⁰ Egi rarnaga egi wawogiragshana hakishu‐uinarnihegi wagit’arnankhi egi xagnankhi.

¹¹ Egi e jaja naxguinegi Jesus niambgi egi hinugjega hajagi, khibahirena.

¹² Hageja hijankhianaga wironag warnira nupiwi jantiwagikhina, mani hojainainja howarahairau.

¹³ Egi harairanaga egi hijanenanka wawogirag‐hirena egi hishge khiba wagigirena.

¹⁴ Hageja hishankira‐hashanananka jantiwagikhina warujeja minagnank’u egi naj‐wawisgina inke harnaxguninanka egi najge shjananka hawau. Inke harnaxguhiranige kikawa‐anaga hageja hajairega esge.

¹⁵ Egi wawagena: Managre harnaj howarawire egi wankshigra harnaj worag phira wihokhuwiaje.

¹⁶ Egi higu peshe harnaxgungi egi ni‐hawaxu‐hirekjena niaimb‐kjanena, eshi higu peshe inke harnaxgunigi washoshishig howehirekjanena.

¹⁷ Egi washa woijanti de‐e wiuinekjanena harnaixgunegi: Rash harnira hiuinarnaga waxopinishishig jangra howahas‐hirekjanena, egi hit’e hijahi jeg hit’airekjanena.

¹⁸ Egi wakha‐hipahi ruainegi egi washa wit’ehi rajgaineshge inke washa waishga hiranikjanena, howashara wawikioiregi egi rushjainekjanena.

¹⁹ Egi Hirukanara wokit’e rashjanaga hageja, wangregi rus‐hirena, egi Maura hoishorohieja hagiminakshana.

²⁰ Egi harairena, egi wahokhura harnaj houinena, Hirukanara ware wakishu una, egi hoit’era shjawahina washa woijanti hiu‐wagigiga. Amen.