Lukga 6 - Winnebego Bible Portions 1907

¹ Egi herena Sabath hinupahainja, jegejajega hageja, waisgab maxrogeja howena, egi hironaghirera waisgab‐russojiranaga nab‐wowaxairanaga waruj‐hirena.

² Egi Pharisera hota hijarnankhi wawagairena: Jagu‐u de‐e wash’uwishe inke Sabath hambeja deshesge hiphiraniwinigaja?

³ Egi Jesus horniharna egi wawagena: Inke nishge wawagaxra hashjawinishe Dawidga dokewehigi jagu ungi, egi jarnaga wakishu‐unjegi.

⁴ Jasge Maura hojhieja hokawarnaga higi, egi waisgabwahara rusanaga egi rujshana, egi wakishu‐unjega hisge wogarna, woehira shesge agshana nabhoruxaj hirukanarashana shesge ruj‐hireshununa?

⁵ Egi wawagena: Wankshig‐hinigra Sabath hambra shige hirassa hirukanana.

⁶ Egi herena Sabath hamb hijaneshe, shige wohokhuhojhieja hokewena egi washa wagigus‐shana. Egi wankshigisha ejanakshana nab‐sanighoishorora takasere.

⁷ Egi wowagax‐hiperesra egi Pharisera hirakarairena, Sabath hambeja rushjahiege hirairege, e washinarajhirekje hirakirairekje higienainankshana.

⁸ Egi wowewina wawigiperes‐shana, egi wankshig nabtakasserejega wagena: Nashine, egi hokissagregi nashine. Egi nashianaga egi hija hahinashina.

⁹ Egi Jesus wawagena: Washaisha hinigipaix‐janihawina: Sabath hambregi jagu hiuwigi phinkjaneshe, washophi u‐anaga nigeshge washoshishig u‐nashe? Hisha niamb‐hianaga nigeshge hisha d’ehinashe?

¹⁰ Egi hogigix harnaj woruxujshana, wankshigjega wagena: Ara wajigre, egi shesge hina. Egi nabra niambshana hirakissanigra hikarakisgena.

¹¹ Egi mashja wogiteghirena, egi hokikit’airena, Jesus jasge gigirekjegi.

¹² Egi herena hambanaka eja, xexete hihageja howarena gikaraj, egi haiserej inke harushjanina Maura gikarajra.

¹³ Egi jaja hambgi hironagananka wagigorna. Egi eja nuphashana gijana e hererena Apostel wigera.

¹⁴ Simon e hishge Peter higena, egi khinubra Andreas, Jakob egi John, Philip egi Bartholomeus,

¹⁵ Mattheus egi Thomas, Alpheus hinigra Jakob, egi Simon Selotes higairena,

¹⁶ Egi Jakob khinubra Judasga, egi Judas Iskariot higairena e herena himanagra.

¹⁷ Egi wakishu harnukanagshana, egi hosunsheja hakirirena. Egi hornihe hironagananka, egi worohaxji wankshigra Judea mowagaxeja herera hisgeshana hajirena egi Jerusalem, egi Tirus egi Sidon tejejeja herera hajirena harnaxgu hajirena, egi howasha warninera rushjainekjege.

¹⁸ Egi jarnaga hawaki naxirag shishig hakishu u‐nankhi, egi rushjainena.

¹⁹ Egi worohanka harnaj hikio‐nainena, eja homashja harnira hihinabjege esge, egi harnaj rushjainena.

²⁰ Egi hironagananka wokuruxujshana egi wena: Wogishawaxjira neninewina wanajojaisgera, Maura hungma harnira neashiniwinge esge.

²¹ Wogishawaxjira neninewina, donikewehi harajena shegunegi wainanaijanihawina. Wogishawaxjira neninewina raxagharajane shegunegi, hirakshakjanihawina.

²² Wogishawaxjira neninewina, wankshigra hornishig hirawigi, egi woinjab ninawigi, egi najinisgirawigi, rashwashiniwira wanigit’urairawigi wowong hikisgeninawigi Wankshig‐hinigra hawau warnigi uinawinana.

²³ Wogishawawiaje hambeja, egi d’adambwiaje wogishawa. Horuxujwire, woirowe hashiniwira wangregi xeteakshana. Hornigitagwira shesge hianjwahirera prophetra wagigirena.

²⁴ Eshi harawekjanihawina jarnaga hitajera, de‐eshi washophi horawawige esge.

²⁵ Harawekjanihawina jarnaga wainajra, donikewehikjanihawina. Harawekjanihawina jarnaga hiraksharajane shegunegi, najgeranitegwianaga egi raxaigkjanihawina.

²⁶ Harawekjanihawina wankshigra harnaj niraphirawigi, hianjwahirera shesge wagigirena prophet retunkera.

²⁷ Eshi hinigawina, nanaxgu hashanagre, hokikje‐warajabwira wawogixetewire, phiwagigiwiaje hornishignangwigi.

²⁸ Washoshishig howeni roguankhi washophi howewarogiguanje egi Maura gikaraj wagigiaje, jarnaga washanigishgashganankhi.

²⁹ Egi hisha iroija hornijirawigi iro‐sanigra shige hija giwahaje. Egi hisha wonashi hihageja herera nigirushirawigi, inke roxinianje wonashixete hashinira hirassa rusgigiaje.

³⁰ Higu peshe washa nisha nigitagi hokuanje, egi hisha washa washinira nigirusgi inke karatanianje.

³¹ Egi wankshigra gagu hingigiregi phina hiraregi, ne shesge wagigiwiaje.

³² Wornigixetenangwiga waworagixetewigi, jasge hironigiwekjaneshe? Egi washa woishana ura wogixeterawiga hishge wawogixetenankshana.

³³ Egi jarnaga phiningiginankhi, phiwaragigigi, jasge hironigiwekjaneshe? Egi washa woishana ura hishge shesge hiunankshana.

³⁴ Egi hornajwaragigigi e hornikaraik’u hirekjane hirare wash’ungi, jasge hironigiwekjaneshe? Egi washa woishana ura hishge wornajkhinankshana washa woishana ueja, higu shige shenaga kurusnankshana.

³⁵ Eshi hokikje‐warakijabwira wawogixetewiaje, egi phiwagigiwiaje egi wornajwagigiwiaje, inke hakja karakjambwinianje, egi woirowe hashiniwira xetekjanena, egi Eshana Hiraijeranagra E ninkjang harninikjanihawina. Maura phiwagiginakshana inke wainabnira egi wowongra.

³⁶ Esge najwojawine, Hianjrawiga unagre shesge, hishge najwojanakshana.

³⁷ Inke haehire wauwinianje, egi inke haehire nigiuiranikjawina. Inke hisha washinohire howehinai‐winianje, egi inke washinohire horawanikjawina. Wagit’unawiaje, egi wanigit’unekjanihawina.

³⁸ Wogawiaje, egi hornikunkjanihawina, higusra phi, hawasgink egi horuksa egi hawuhinsh, shesge mangeja hornigiwaxuinekjanihawina. Egi wigus jaguisha eja hiraguswigi, wigus e shige hinigiguiskjanihawina.

³⁹ Egi hisgeraisha wirokit’ena. Jasge hishjarningra hisha hishjarningra hisha airutinashe? Inke hinuinke mo‐shorosheja hoshibrairaninashe?

⁴⁰ Wawagaxhajara inke wawagaxhajawagigi harninera hirashana ninankshana. Egi jaja harnaj hoijgus hiregi wawagaxhajawagigi harninera jasgajegi hikisgairanana.

⁴¹ Jasgegaja hashjarajeguni rakhinubra noruxagnig nige hishjasu‐ejakhi, egi hishjasu hashinieja noikunug hishanka inke hashjarni?

⁴² Egi jasgegaja rakhinubra waragarnashe, hinkhinubra noruxagnig hishjasu hashiniejaka dushoroijena, hishjasu hashinieja noikunuganka inke harakjanianaga? Waishjankeranigaja, hishjasu hashinieja noikunuganka jorni kurushoroj phiranigaja, egi hashjashgunina rakhinubra hishjasu harnieja noruxagniganka shurushorojnana.

⁴³ Na phinagre inke has shishig haminag hiraninana, inke hishge na shishignagre has phi haminag hiraninana.

⁴⁴ Na nagre harnaj hinpereswina has warninera haminaganankshana. Waxageja inke wankshignagre Fig‐has sto‐hiraninana egi shige inke napahieja habsinsh sto‐hiraninana.

⁴⁵ Wangphira hisha najge harnira washa phi hoshugi, washa phira eja haxebjanana. Egi wangshishigra hisha najge harnira washa shishig hoshugi, washa shishig haxebjanana, najgera jagura hoixjinjegi, ieja xunjanana.

⁴⁶ Egi jagu‐u wairagawishe Hirukanara, Hirukanara egi jagu hinigawira inke sh’u‐winianaga?

⁴⁷ Higu peshe hiraijiarnaga egi jagu hihajane naxguanaga, egi ungi, hornigitaikjanihawina peshe hikisgera:

⁴⁸ Wankshigisha hikisgarnana e jhisha ungi, egi rogshi g’arnaga egi inixete jhiaminagra eja khanaganana, egi jaja nijangi, nira harnaj jhianka eja hirojingishge, egi inke giksunshninana, inixete hihagejanake esge.

⁴⁹ Eshi hisha naxguanaga inke unigi, wankshigisha e hikisgarnana e jhisha ungi jhiaminag rokarni, makax hihageja minagnana, e nijara harnaj hirojingi egi higuana kharnanarna, egi jhinaka maisinshnana rokana wagiunana.