Lukga 4 - Winnebego Bible Portions 1907

¹ Egi Jesus Naxirag Wakanjangra hoixjingi, Jordan eja unjegi kerena, egi Naxiragra wauna mojainainja howarehina.

² Egi hambra kerepana‐jobaha waxopinishishigra washinohire u‐nangi‐inena. Egi hambananka eja inke washanisha rujnina, egi jaja hambananka rushjainegi hageja dokewehina.

³ Egi waxopinishishigjega wagena: Maura hinigra neninegishi, ininagre higarnaga waisgabduj jinaikjena.

⁴ Egi Jesus horniharna egi wena: Wagaxankshana, wankshigjane inke waisgabdujrashana wankshighi‐inijena, eshi Maura hoit’e harnira harnaj.

⁵ Egi waxopinishishigjega xexete hankshi hihageja harnihina egi manegi hung‐mara harnaj hajagigina xapgexjinig.

⁶ Egi waxopinishishigjega wagena: Homashja de‐e harnaj hornikunkjena egi gloria warninera, de‐e hingirushja huhina, egi peshe hiaregi wak’unana.

⁷ Hinagikarajgi harnaj ne‐washinikjanena.

⁸ Egi Jesus horniharna egi wagena: Hijahi howeune Satanra, shesge wagaxankshana: Hirukanara Mau‐hashinira gikarajre, egi eshana waragisherekjanena.

⁹ Egi Jerusalem‐eja harnihina wohokhu‐hojhixete hihageja kerena, egi wagena: Maura Hinigra neninegishi, egi dambre.

¹⁰ Shesge wagaxankshana: Waxopiniwarajire warnira u‐washianaga haji horniuinarnaga hiranikarairekjena,

¹¹ Egi nabra wikuinarnaga nirua uinekjena inke sihashinira inieja hirokijianaga washanigishganikjena.

¹² Egi Jesus horniharna egi wagena: Shesge akshana: Inke Hirukana Mau‐hashinira gishjarnina.

¹³ Egi jaja waxopinishishigjega washinohire unagi‐ira harnaj girashjangi, nigiowakerena jakojank.

¹⁴ Egi Jesus Naxirag homashjara hakishu Galilea‐eja howakerena egi eja manaka harnaj hornaxguinena.

¹⁵ Egi washa wagigussana wohokhu‐hojhi warnineja, egi harnaj rajangirena.

¹⁶ Egi Nasareth‐eja kirina, hajinja hoxetera eja. Egi houna shegu hishununa, Sabath hambgi wohokhu‐hojhieja hina, egi nashianaga (Mau hoit’era) ena.

¹⁷ Egi eja prophet Esaias wawagax harnira hokuinena. Egi jaja wawagaxra ruhasgi, wowagax de‐e eja hiena:

¹⁸ Hirukanara Naxirag harnira hakishu hauanjena, esge hiwaxuna, worag‐phina wanajojaisgera wihowakhunkjege, egi huingigina najgesdagra rushjawahakjege.

¹⁹ Hornassairera hokishib wagitag hajina, egi hishjarningra rushjairarnaga wajairekje, hikikurukana wagigikjanena jarnaga hiniankhi, egi Hirukanara ma‐phi harnira wagitaghajena.

²⁰ Egi wawagaxra harukana, egi warajega shige hokaraik’una, egi minagshana. Egi hishjasura jarnaga wohokhu‐hojhiejakhi harnaj horuxujhirena.

²¹ Egi wawagajirena, hamb de‐e wowagax de‐e jagu agre herena nanaxguwina.

²² Egi harnaj giphineshe higairena, egi khorairena hoit’e phixji i‐harnieja axebhiga. Egi wairena: Inke de‐e Josephga hinigra herenishe?

²³ Egi wawagena: Jasgegi hoit’e de‐e hinagekjanihawina, makanira rushjakhina. Jagu Kapernaum‐eja sh’usa nanixguwishunura, ma‐hashinieja hishge shesge hire.

²⁴ Egi wena: Hisgexjina hinigawina, inke prophetra hisha e mojabeja karaishag hiranina.

²⁵ Jagu hinigajane hisgexjina, hikanagitera roha Israeleja nihena Elias wankshig‐hoiniheja jaja maxira hornassairera ma daniha egi wi hakeweha, egi managre harnaj dokewehirena,

²⁶ Eshi jarnagaka inkisha Elias eja howaregigiranina, eshana Sarepta hirahina Sidon jhinageja, hinugisha hirahina hikanagit’eisha.

²⁷ Egi Lepra roha Israel‐eja nihena Elisa prophet wankshig‐hoiniheja, egi hanke hisha rushjahiranina, eshana Naeman Sirian‐eja hereisha.

²⁸ Egi jarnaga wohokhu‐hojhiejakhi washa de‐e naxguinegi, wogitegra rokanainena.

²⁹ Egi nashinena, egi jhinag jangeja hot’unairena, egi jhinaganaka xe‐hihagra haminagshana, xe‐hihag hipaeja harniahirena, eja kemakere hot’unairekjege.

³⁰ Eshi horoghireja howakiriguna, nigeowakerena.

³¹ Egi Kapernaum‐eja kirina, Galilea mowagax jhinaghisha, egi washa wagigus‐shana Sabath hambgi.

³² Egi khorairena wogus earnira, hoit’e harnira homashja hakishujege esge.

³³ Egi wohokhu‐hojhieja wankshigisha jena, waxopinishishig naxirag harnijena, egi mashja uwarna,

³⁴ Wena: Shegu unjewiwine, jagu ningi’uanjeshe, Jesus Nasareth‐eja ninegaja? Maisinsh hinarajiwishe? Hiniperes‐shana peshe ninera, Hishankira Wakanjangra Maura eja howaji.

³⁵ Egi Jesus winakewehina, wena: Xapguni nashinge, egi eja hihinabre. Egi jaja waxopinishishigjega mainja hot’unegi horogeja, egi eja hihinabshana, inke washangishganina.

³⁶ Egi harnaj khorairena, egi hokikit’airena, wairena: De‐e hoit’e jaguisha hereshe? Egi homashjana egi ruxurugkaja naxirag shishigra u‐washira, egi hihinabhirena.

³⁷ Egi hornaxguinena manaka harnaj egi hogigixanka.

³⁸ Egi nashianaga wohokhu‐hojhieja hihinabshana, egi Simon hojhieja hokewena. Egi Simon hijawina hiunira rotakajura rokanana, egi gikarajhirena hinuganka eja.

³⁹ Egi hija hijena, egi rotakajanka ushina, egi rushjana, egi higuana kikawa‐ana, egi wawagirena.

⁴⁰ Jaja wira hire‐ikorohogi, egi jarnaga howashakhi howasha hokirajra wagarni hajirena, egi jarnagaka harnaj wawikiorna, egi rushjawahina.

⁴¹ Egi waxopinishishigra hishge roha hihinabshana, uwainena egi warnakshana: Kristus Maura Hinigra neninegaja. Egi winakewewahina inke hit’at’awinine, hiperesnankshana Kristus herejera.

⁴² Egi jaja hamb‐hakirigi, nigeowarena mojainainja, egi wankshigananka horninena, egi hirahirena, egi eja hiwushairena, inke nigeowe wat’uneranikjege.

⁴³ Egi wawagena: Jasgegi Maura hungma harnira wihowakhukjanena hishge jhinag hijanenagre, esge huingigirena.

⁴⁴ Egi wahokhuna wohokhu‐hojhi Galilea mowagaxeja.