Lukga 3 - Winnebego Bible Portions 1907

¹ Egi ma kerepana‐haishanaga hisaja‐hashanainja Tiberius Kaiser herenak’u, egi Pontius Pilatus Judea mowagaxra hirukananakshana, egi Herodes tetrarxra erena Galilea mowagaxeja, egi khinubra Philip tetrarxra erena Iturea mowagaxeja, egi Traxonitis mara, egi Lisanias tetrarxra erena Abilene mowagaxeja,

² Annas egi Kaiaphas nabhoruxaj hirukana hungra e hererena, egi eja Johnga Mau hoit’era hirajina, Saxarias hinigra mojainainja.

³ Egi Jordan mara haji harnaj houna, egi ni‐wawaxu wihokhujena najgerakarateg‐hiregi washa woishanara wagit’unainekjanena.

⁴ Deshesge wagaxshana wowagaxeja Esaias prophet hoit’e harnieja, ena: Wahokhuisha mojainainja hora jantinjena, Hirukanara howera hirushjagigire egi nagura roja gigire.

⁵ Mokushira harnaj hoixjinekjanena, egi xexetera egi xera harnaj mokushieja washurekjanena, egi kshekshegra roja wahirekjanena, egi nagu hokirushgishgira hassanas wahirekjanena.

⁶ Egi rora Maura wankshighoi ruxurug harnira harnaj hajairekjanena.

⁷ Egi worohanka Johnga wawagena, ni‐wawaxunkjege hirahinankhi: Wakha wankshighi‐inharajane, peshe hornigiragwigaja ragigiaswishe, wogitegra jikjanegi?

⁸ Esge has phi haminagwire najgera karategwige, egi inke shesge hirawinianje, Abraham hianj‐hawira heregaja. Hisgexji warnigawina: Maura ruxurugnankshana ininagre kikawa‐awahianaga Abraham ninkjang warninana.

⁹ Egi shegunegi na‐nanka rejueja masra agi hagarninankshana, egi nara jarnaga inke has phi haminagnigi waiwank‐hirekjanena, egi pej‐eja wot’unairekjanena.

¹⁰ Egi wankshigra higiwaxhirena, wairena: Jasge hakjanihawishe?

¹¹ Horniharna egi wawagena: Hisha wonashina nup harnijegi, hisha jushgunijegi hok’uwianje. Egi hisha waruj harnijegi, shesge shige hikjena.

¹² Egi hishge Publikanra hajirena ni‐wawaxu hirekjege, egi wagairena: Hirukanara, jasge hakjanihawishe?

¹³ Egi wawagena: Jarnaga rus‐nishirawigi inke hijaira rus‐winianje.

¹⁴ Egi manapera hishge higiwaxhirena, wairena: Jasge hakjanihawishe? Egi wawagena: Inke hisha washangishgawinianje, inke hisha washa wowonk giuwinianje, egi jasge hinigikisge harajegi giphiwianje.

¹⁵ Egi wankshignanka karakjambnankhi, egi wankshignanka harnaj shesge hiranankshana Johnga Kristus e hereguni nigeshge inke ereniguni hirairena.

¹⁶ Johnga horniharna egi harnaj wawagena: Hisgexji ni‐wagiu hajena harnipax‐uanjane, eshi hisha hiraijerana hajire, waguje sika harnira inke girushge duxurugnina inke washa hiakisgarni hajege esge. E Naxirag Wakanjangra harniwaxun‐kjarnihawina egi pej hirassa.

¹⁷ Waisgab poroporo hiwamaxisha harnijena, egi waisgab hoisu hou harnira sge‐karagikjanena, egi waisgabhojhieja waisgab warnira hosto wahikjanena, eshi waisgabhara daxu wahikjanena manegus pej‐eja.

¹⁸ Egi washa hijanera roha wihokhuna egi wankshigra wogiragshana.

¹⁹ Egi Herodes tetrarx‐hisha herena Johnga higibarna, Herodias hawau e Herodes khinubra Philipga hijawira heregajerena, egi Herodes jarnaga washinohirera ungi Johnga higena.

²⁰ Washinohira de‐e hijokshuna Johnga jhi‐hornassena.

²¹ Egi jaja wankshigra harnaj ni‐wawaxuinegi, egi herena Jesus hishge ni‐hawaxuinena, egi Maura gikarajjau, wangregi gihas‐jijena,

²² Egi Naxirag Wakanjangra harnukanag huna ro‐jun rujge sganisge hihageja hajijena, egi wangregi hit’et’e howajina e wena: Hinignira wornigixetera neninena, ninkaraiphixjishununa.

²³ Egi Jesus ma kerepana‐daniha harena Josephga E hinig higuni hirairena, Joseph Heli e hinigra herena,

²⁴ E Matthat hinigra herena, e Lewi hinigra herena, e Melxi hinigra herena, e Janna hinigra herena, e Joseph hinigra herena,

²⁵ E Mattathias hinigra herena, e Amos hinigra herena, e Naum hinigra herena, e Esli hinigra herena, e Nagge hinigra herena,

²⁶ E Ma‐ath hinigra herena, e Mattathias hinigra herena, e Semei hinigra herena, e Joseph hinigra herena, e Juda hinigra herena,

²⁷ E Joanna hinigra herena, e Rhesa hinigra herena, e Sorobabel hinigra herena, e Salathiel hinigra herena, e Neri hinigra herena,

²⁸ E Melxi hinigra herena, e Addi hinigra herena, e Kosam hinigra herena, e Elmodam hinigra herena, e Er hinigra herena,

²⁹ E Jose hinigra herena, e Elieser hinigra herena, e Jorim hinigra herena, e Matthat hinigra herena, e Lewi hinigra herena,

³⁰ E Simeon hinigra herena, e Juda hinigra herena, e Joseph hinigra herena, e Jonam hinigra herena, e Eliakim hinigra herena,

³¹ E Melea hinigra herena, e Menan hinigra herena, e Mattatha hinigra herena, e Nathan hinigra herena, e Dawid hinigra herena,

³² E Jesse hinigra herena, e Obed hinigra herena, e Boas hinigra herena, e Salmon hinigra herena, e Na‐asson hinigra herena,

³³ E Aminadab hinigra herena, e Aram hinigra herena, e Esrom hinigra herena, e Phares hinigra herena, e Juda hinigra herena,

³⁴ E Jakob hinigra herena, e Isaak hinigra herena, e Abraham hinigra herena, e Thara hinigra herena, e Naxor hinigra herena,

³⁵ E Sarux hinigra herena, e Ragau hinigra herena, e Phalek hinigra herena, e Heber hinigra herena, e Sala hinigra herena,

³⁶ E Kainan hinigra herena, e Arphaksad hinigra herena, e Sem hinigra herena, e Noah hinigra herena, e Lamex hinigra herena,

³⁷ E Mathusala hinigra herena, e Enox hinigra herena, e Jared hinigra herena, e Me‐le‐le‐el hinigra herena, e Kainan hinigra herena,

³⁸ E Enos hinigra herena, e Seth hinigra herena, e Adam hinigra herena, e Maura harnira herena.