Lukga 23 - Winnebego Bible Portions 1907

¹ Egi worohanka harnaj nashinena egi Pilatus hagarniahirena.

² Egi washinaraj hajiarairena, wairena: (Wang) de‐e wankshignagre egi hinakewe wahijau hia’ewina, egi Kaiser hirowegigira roxijena, wajena, Kristus hungra hereshe hikigena.

³ Egi Pilatus higiwaxshana wena: Judra hung harninera nenineshe? Egi hornigiharna wena: Shesge hishegaja.

⁴ Egi Pilatus nabhoruxaj hirukana hungra wawagena egi wankshignanka: Inke wang de‐e washinohirera hisha hiagienina.

⁵ Egi higu arnakshana wairena: Wankshigra warupurujena, Judea mara harnaj washa wagigus houna, Galilea‐eja jeg‐u hurna, egi ma tegi.

⁶ Jaja Pilatus Galilea naxgungi, hiwaxshana wangjega Galilea wankshig hisha hereguni.

⁷ Egi higu hiperesgi, Herodes e wawirukanara, Herodes eowarehina, Herodes exji hishge Jerusalem‐eja unjena hambnanka eja.

⁸ Egi jaja Herodes Jesus hajagi mashja giphina, s’ireja haja roguxjinge. Washara roha ushe aire naxgushunuge esge, egi washa wowakanjank gi’uanaga hajakjane hirege.

⁹ Egi Herodes washara rohaxji hiwaxshana, eshi Jesus inkaga gixabnina.

¹⁰ Egi nabhoruxaj hirukana hungra egi wowagax hiperesra nashinena egi washinarajera rokana wagairena.

¹¹ Herodes egi wawokishgara wakarakishu, Jesus inke wankshighiranairanina egi igixjairena, egi waini sgaxji hogiwaxug‐hirena, egi Pilatus shige eja howarehirena.

¹² Egi hambeja Pilatus egi Herodes hijakorokhinena, jorni hokish’ig hireshununa.

¹³ Egi jaja Pilatus nabhoruxaj hirukana hungra egi washinukanara egi wankshigra stowahigi, wawagena:

¹⁴ Wang de‐e hinagashini rajiwira, wankshigra gixa wahijeshe hi’shawira, egi horuxujwire, jowerawiregi pessiwina inke washinohira wang de‐e hiagienina, inke jagu hirasharajwire shesgarnina.

¹⁵ Herodes hishge inke washi’enina, ne‐hanireningigiwina, egi horuxujwire inke d’ehire phi washa higienina.

¹⁶ Esge hawe‐hagigianaga girushjanehigi.

¹⁷ Houna shegungaja hisha ningitushjanehawigi phinana worujxeteregi.

¹⁸ Egi horniheaka harnaj uwainena, wairena: Wang de‐e ningiot’unare, egi Barabbas girushjarehige hunkaraikuwine.

¹⁹ E jhinageja wankshigra warupuruna egi watehina, esge jhi‐hornassairena.

²⁰ Esge Pilatus shige wawokit’ena Jesus girushjanehinaixjinge.

²¹ Eshi uwainena hakira, wairena: Naramiheja haisarajre, naramiheja haisarajre.

²² Egi Pilatus hitanihana wawigena: Jagu‐u? Jagu wowongisha ushe? Inke d’ehi phi washa hiagienina. Esge hawe‐hagigianaga egi keregigigi.

²³ Egi higu uwara arnakshana, naramiheja haisaraj nangi‐inankshana. Egi uwananka hereanaga egi nabhoruxaj hirukana hungra rokanaxji uwarnankshana.

²⁴ Egi Pilatus wawornagijena, jagu rogunagra wagiunkjanena.

²⁵ Egi girushjanehina hisha wankshigra warupuranaga egi wat’ehira egi jhi‐hornassairera e roguinera, eshi Jesus rushjanehirena jagu rogunagra.

²⁶ Egi jaja nigeowarniarairegi, hisha harukos‐hirena Simon higairera Kirene eja hereisha, hirarujeja howajina, egi e naramihera k’ingigirena, e Jesus gik’inhironaikjege.

²⁷ Egi wankshigra worohaxji hironakshana, egi hinugrashge xagnakshana, egi gixagnankshana.

²⁸ Egi Jesus hakjambarnaga wawagena: Hinug Jerusalem‐eja herera, inke hingixagwinine, eshi kixagwire egi ninkjang washiniwira wagixagwire.

²⁹ Egi horuxujwire, hambra hajirekjanena, eja washe’kjanihawina: Wogishawairegaja ninkjang jushgunira egi kheni waujganagninankhi, egi wasra inkaga wahininankhi wogishawairekjanena.

³⁰ Egi wairekjanena xexetera hishibrairekjawina, egi xera hirairukainekjawina.

³¹ Na‐jegra washa deshesge gigiregi, na‐wusra jasge wagigiranashe?

³² Egi wankshig d’ehira nupi hishge hakishu harniahirena d’ewahirekjege.

³³ Egi jaja hounekjanegi hahiregi, Kalwari higaireja, eja naramiheja haisaraj‐hirena, egi wankshig d’ehinanka, hisha hoishoroija minagshana egi hijanera hoirajgeja.

³⁴ Egi Jesus wena: Jaji inke washa wigiranine, inke hiperes‐ninankshana jagu unagra. Egi wonashi harnira khiruje khinekjege hushereg gishox uinena.

³⁵ Egi wankshigra woruxuj‐nankshana. Egi washinukanara hishge hija‐unankshana, igixjanankshana, wairena: Hijanera niamb‐wahijegaja, niambkinkjena, Kristus E herejegi, Maura waijana hisheregi.

³⁶ Egi manapera hishge igixjairena hirajiranaga ninash hok’uinena.

³⁷ Egi wairena: Judra hung harninera neninegishi, khijirare.

³⁸ Egi wowagaxra hija wangeja giwagax t’umbhirena Hellenitra egi Romanra egi Hebraira hoit’e wagiuinena, de‐e Judra hung harninera herena.

³⁹ Egi wankshig d’ehinaka hisha hoijganagra washingegena, wena: Kristus neninegishi, khijirare egi hingijirawire.

⁴⁰ Egi hijanenaka horniharna najisgina wena: Inke nishge Maura nanakawanishe? Hawera nishge hikisge wash’u‐shanakshana,

⁴¹ Hisgenaje ha‐warnakshana, jagu hiura e hiwagiu harnakshana, eshi wang de‐e inke washanisha higishananinakshana.

⁴² Egi Jesus wagairena: Hirukanara hiwewianje jaja hungma hashinieja ragigi.

⁴³ Egi Jesus wagena: Hisgexjina hinigena, hamb de‐e Paradisra‐eja harnikishu hagikjanena.

⁴⁴ Egi ejaxji howagix hirakewehanegi hereguni egi manaka harnaj hokawassana howagix hishankijushgunieja hipa.

⁴⁵ Egi hambwira hokawas‐shana, egi wohokhu‐hojhixeteja hagijara kissageja gasrena.

⁴⁶ Egi jaja Jesus mashja uwanaga wena: Jaji naxirag harnira nab hashinieja harninigigina, egi deshesge e‐gi d’ena.

⁴⁷ Egi jaja manape hungra jagu ura hajagi, Maura rajankshana, wena: Hisgexjingaja de‐e wang phisha heregaja.

⁴⁸ Egi wankshigra jarnagaka hija sto‐khinena hojantieja hajairena washa uinega, mangeja hokarajinarnaga egi hakarairena.

⁴⁹ Egi jarnaga hikiperes‐hiregi egi hinug hironaghirera Galilea‐eja howajirera hari nashiranaga horuxuj‐nankshana washa de‐e.

⁵⁰ Egi horuxujre, wangisha eja jena Joseph higairera, waehisha egi wang phisha herena, egi wang rojaisha.

⁵¹ Wang she‐e inke woehira egi jagu uinega wagiphinina, Arimathea‐eja hereisha herena. Judra jhinag harnineja, e hishge Maura hungma harnira hapejena.

⁵² Wang de‐e Pilatus hirahina egi Jesus rora tarna.

⁵³ Egi rushibshana, egi linen hirowejana, egi warnaxihoshueja hot’umbshana, ini g’aireja herena, eja inkaga jorni hisha t’umbhiranina.

⁵⁴ Egi hambeja hikorohora herena, egi Sabathra herekjanena.

⁵⁵ Egi hinugra hishge hironag hahirena Galilea‐eja hakishu howajirera, egi warnaxi‐hoshura horuxuj‐nankshana, egi jasge rora t’umbhiregi.

⁵⁶ Egi hakarairena, egi washa‐teg hirushjahirena egi wikinipana phi, egi Sabath‐hambregi xgasigirena, Maura u‐washi harnira jagu agra shesgehirena.