Lukga 19 - Winnebego Bible Portions 1907

¹ Egi Jesus Jerixo eja hina egi eahiowena.

² Egi horuxujre, wangisha eja jena, Saxeus higairena, e Publikanra hungra herena egi hitajena.

³ Egi Jesus hajarna‐ina peshe heregi, egi rush’agshana wankshigra rokanage, wang xununigia herege esge.

⁴ Egi joweja hornuwangshana, egi Sikamore na‐hisha eja hotina, hajakjege, e hahiowekjanege.

⁵ Egi jaja Jesus eja higi, wangeja horuxujshana egi hajarna, egi wagena: Saxeus xapgigire d’ambre, hamb de‐e jhi‐hashinieja hipushakjanena.

⁶ Egi xapgigina eegi d’ambshana egi wogishawaxji eojhieja hokewegigina.

⁷ Egi jaja hajairegi, harnaj haehirena, wairena: Wang washa woishana uisha eja hokewena.

⁸ Egi Saxeus nashina egi Hirukanara wagena: Horuxujre Hirukanara, washa warnira hokiwassig wanajojaisgeja wagakjanena, egi hisha washainja haishjankegi, jopaha hirowagish’unkjanena.

⁹ Egi Jesus wagena: Hamb de‐e wankshig‐iwahira jhidegi jina, nishge Abraham hinigwahira hishaninena.

¹⁰ Wankshig‐hinigra wornijina egi niamb‐wahijina xawarninankhi.

¹¹ Egi jaja washa de‐e naxguinegi, hijaira washisgera wawogiragnankshana Jerusalem hiwusunsh jige esge, egi Maura hungma harnira higuana jantinkjane hirananke esge.

¹² Esge wawagena: Wang rokanaisha ma hari howarekjanegi, eja hungma nige ruis‐janena egi hakjakirikjanena.

¹³ Egi warera kerepanaisha harnigi wakaragigorna egi hikirua kerepanaisha wawogarna, egi wawagena: Wire wiuanihawiaje hakirigi epa.

¹⁴ Egi wankshig warnira hosh’ighirena egi worag ruxegigirena wairena: Wang de‐e inke hinukananikjanihawina.

¹⁵ Egi herena jaja hungmara rusgi egi hakjakirina, waranagra hijaji wa’shina, shura wawogara, wire wiuinegi jarnagashana wiruxurug‐hiregi wiperes‐hikjege.

¹⁶ Egi jorniherera jina, wena: Hirukanara hikirua hashinira hikirua kerepanaisha ruxurugshana.

¹⁷ Egi wagena: Phina, ware phi ranina, watagnigkaja harnira phirage, esge jhinagra kerepanaisha hishurukanakjanena.

¹⁸ Egi hinubra jina, wena: Hirukanara hikirua hashinira hikirua saja ruxurugshana.

¹⁹ Egi hishge shesge higena, jhinagra saja hishurukanakjanena.

²⁰ Egi hijanera jina, wena: Hirukanara horuxujre, hikirua hashinira de‐erena, hishjai‐washaisha hiroweja harnigarnihajena.

²¹ Nanikewege, wang jashishig ranige esge, washurussana e inke ne hijarat’umb‐ninunige, egi eja sto‐warana inke ne horashuninunige.

²² Egi wagena: Jaguishare eawau woehi‐hinigiunkjanena ware wowonk‐ranina. Hiraperesgaja wang jashishig harnigi, dusgaja she‐e inke ne jat’umbnigi, egi sto‐wahagaja she‐e inke ne washunigi.

²³ Jagu‐ungaja inke shura harnira shuro‐hojhieja horashurnishe, egi hakirigi hakarat’arnaga hakurusgunina hiroshura?

²⁴ Egi hijarnashinankhi wawagena: Hikiruaishara giruswire, egi hokuwine hikirua kerepanaisha harnijera.

²⁵ Egi wagairena: Hirukanara hikirua kerepanaisha harnijegaja.

²⁶ Egi hinigawina: Higu peshe junjegi hokuinekjanena, egi hisha jushgunijegi shige harnijegi girus‐hirekjanena.

²⁷ Egi jarnaga hunsh’igra e inke wawitu‐kananikjane airera, warnijiwire, egi joweharegi d’ewahiwire.

²⁸ Egi jaja deshesge e‐rashjangi, jornirena Jerusalem howarena.

²⁹ Egi herena, jaja Bethphage egi Bethania hiwusunsh jigi Oliw xeisha higairegi, eja hironag warnira nupiwi regigina,

³⁰ Wena: Jhinag xununig joweregi howarawire, jhinagra horakawawigi shungxete‐najawaxete harexirigia rusgij‐jau hish’ekjanihawina, inkaga haminag hiranisha, rushgawianaga egi hingarni kiriwiaje.

³¹ Egi hisha hinigiwaxwigi, jagu‐u ragishurushgawishe? Deshesge higawiaje: Hirukanara hiunkjanegi esge wauwina.

³² Egi rewagigirega harairena, egi jagu wigarnihera shesge hierena.

³³ Egi shungxete‐najawaxete harexirigra girushgarnag’u, nihijega wawagena: Jagu‐u shungxete‐najawaxete harexirigra ragishurushgawishe?

³⁴ Egi wairena: Hirukanara hiunkjanege:

³⁵ Egi Jesus hagarniankirirena, egi wainira shungxetenajawaxete harexirigeja washuirena, egi Jesus haminaggigirena.

³⁶ Egi regishi, wonashi warninera nagueja wokaramishhirena.

³⁷ Egi jaja Oliw xera hanukanagrera hiwusunsh higi, worohanka hironag warnira wogishawaxji egi Maura rajank mashjaxji ajiarairena wowakanjangra roha hajairege esge.

³⁸ Wairena: Phingigiwire hungra, Hirukanara rash harnira hiunjina, wangregi rashgunira, egi rajanghirera wangregi herera.

³⁹ Egi Pharisera hota worohanka horogeja unagra wagairena: Wawagaxhajawagigira wironag washinira najwisgire.

⁴⁰ Egi horniharna egi wawagena: Hinigawina, de‐e xapguni nashinegi, inira higuana uwa‐hiranana.

⁴¹ Egi jaja hiwusunsh jigi jhinagra hajarna, egi gixagshana,

⁴² Wena: Hiraperes‐wisheshi hamb hashinira de‐erera, jasgeragi phinkjanera, eshi nuxawankshana inke hashjarniharajena.

⁴³ Egi hambra hiranijirekjanihawina, worakish’igwira hogigix mara nigigk’airekjanihawina egi harnigshainekjanihawina, egi hogigix hirananisunsh hahuirekjanihawina.

⁴⁴ Egi maisinsh‐nikjanihawina egi ninkjangnig washinira rogreginagre, egi inke inira nige hisha hirajakikanag harnagnikjanena, hambeja horanijajiwira inke hiraperesni harajege esge.

⁴⁵ Egi wohokhu‐hojhixeteja hokewena, egi jangra wowahas‐shana eja washa wiruwinankhi egi waruwinankhi.

⁴⁶ Wawagena: Wagaxankshana, wajhira Mau gikaraj hojhisha herena, eshi wamanuke hojhi sh’uwina.

⁴⁷ Egi hambhokahi wohokhu‐hojhixeteja washa wagigussana. Egi nabhoruxaj hirukana hungra egi wowagax hiperesra egi wang rokanara d’ehinainena.

⁴⁸ Egi inke washa houphi washa hieranina, wankshigra harnaj mashja harnaxguxjinege esge.