Lukga 17 - Winnebego Bible Portions 1907

¹ Egi hironaghirera wawagena: Jasgegi washoshishig‐u wawaxawairekjanena, egi hawekjanena hisha washoshishig‐u wawaxewegi.

² Ini wirujobra hisha napin gigirarnaga tejainja hot’unairegi e hiraijera phingigiranana, eshi xununigra hisha washoshishig‐u hawaxewegi e wojexi wakik’unana.

³ Hirakikarawire: Rakhinubra washanisha hirohire ningiungi, najisgiaje, egi najgerakaratekhi git’unaje.

⁴ Egi hambisha shagowiha washinohire ningiungi, egi hambisha shagowiha hiranijiarnaga najgera‐hakarategshana e‐gi, wagit’unaje.

⁵ Egi Apostelra Hirukanara wagairena: Harnaxgu harniwira hijaira hingigiwire.

⁶ Egi Hirukanara wena: Harnaxgura mustard su hirakisgexjiwingi, Sikamin na de‐e waragawinana, rejura hikirushorojre egi tejainja hokishure, egi nigiunkjanihawina.

⁷ Egi hisha warera hashiniwingi ma‐rupurujegi nigeshge wanoijge wakanagigi, jaja maxeja howakirigi, wagarnashe, minagarnaga warujre?

⁸ Jasgegi inke wagarninashe: Worujra hingikorohore, wahaijena, egi hipiragra hijowekaragianaga, egi waigirare, jaja wahaj‐arnaga egi rajga dushjangi, hageja waraijena egi sharajgankjena?

⁹ Jasge hirukanara warajega wainginabnashe, jagu ushira giunge? Inke shesge hiaranina.

¹⁰ Nishge shesge rakjanihawina, jaja jagu unishirawira harnaj sh’uwingi, awiaje: Ware inke washinkisgarni hiniwingaja. Wore harniwirashana hink’uwingaja.

¹¹ Egi herena, Jerusalemra howarena Samaria egi Galilea horogra hahiowena.

¹² Egi jinagisha eja hokewena, egi wangra kerepanaisha hikiparna lepra u‐waunakshana, hirohari nashinena,

¹³ Egi mashja hit’at’eirena egi wairena: Jesus Hirukanara najungijawine.

¹⁴ Egi jaja wajagi, wawagena: Nabhoruxaj hirukanainja kikawaha rawire. Egi wauinena, harairegaja hahi rushjainena.

¹⁵ Egi hisha rushjana hakijagi, wakshana egi mashja hit’et’ena Maura rajankshana.

¹⁶ Egi si‐hieja hakarashu jimpshana, wainginabshana, egi e Samarit wankshig hisha herena.

¹⁷ Egi Jesus horniharna, wena: Jasge inke kerepanaisha rushjanishe? Jasge hishankijushguni hiwishe?

¹⁸ Inke hijanera hisha Maura wainginab‐jinishe, hijahi howajijaneshana?

¹⁹ Egi Jesus wagena: Nashina, karare, harnaxgu hashinira rushjanina.

²⁰ Egi jaja Pharisera Jesus wigiwaxhiregi, jajanagi Maura hungma harnigi jikjanegi, horniharna wawagena: Maura hungma harnira inke harusharani jinikjanena.

²¹ Egi inke wairanikjanena, horuxujre egi jena, shige inke goja jena. Horuxujwire Maura hungma harnira rogra horniuanjena.

²² Egi hironaghirera wawagena: Hambra jikjanegi, eja Wankshig‐hinigra hamb warnira hisha haja roragukjanihawina, egi inke hashjarnikjanihawina.

²³ Egi warnigairekjanihawina, horuxujwire egi jena, egi horuxujwire goja jena, inke eja howarawinianje, inke wawironagwinianje.

²⁴ Wakanja hojambnisge kerajo kuhana nigekira hohambgashge, hijaneaka harnaj hohambshunura, hishge Wankshig‐hinigra shesgekjanena hamb earnieja.

²⁵ Egi jorni washara roha hawekjanena, egi wankshighoi de‐e wajis‐hirekjanena.

²⁶ Egi Noah hamb hounihera hikisgekjanena hishge Wankshig‐hinigra hamb harnira herekjanegi.

²⁷ Waruj‐hirena, egi rajgainena, hinug‐kanaghirena, kikanag wagigirena. Noah wajra hambisha hoikewegi ejipa, egi nijana jiarnaga harnaj mahujarna.

²⁸ Shige Lot hamb hounihera hikisgena waruj‐hirena, rajgainena waruwine, wiruwine, hoshuire, jhi‐uine,

²⁹ Eshi Lot Sodom eja hihinabgi hambeja pej shurna egi Brimstone, egi harnaj mahujarna.

³⁰ Shesgekjanena hambeja Wankshig‐hinigra khikawahagi.

³¹ Hamb eja hisha jhi‐hihageja unjegi egi washa warnira jhi‐rogejanankhi, inke d’ambarnaga wakurusninana, egi hisha max‐eja unjegi inke hishge hijakirininana.

³² Wewiwine Lot hijawina.

³³ Higu peshe rora hornigi niamb‐karaginaingi, xawarnikjanena. Egi higu peshe wankshighoina xawarnikaragigi, wankshighoi kiruxuruigkjanena.

³⁴ Hornigitagwina, hahe eja nupiwi homigra hishankira homighirekjanena, hisha rus‐hiranaga egi hisha d’unairekjanena.

³⁵ Hinugra nup warujobhajegi, hisha rus‐hirekjanena egi hisha d’unairekjanena.

³⁶ Wangra nup max‐eja u‐anjegi, hisha rus‐hirekjanena egi hijanejega d’unairekjanena.

³⁷ Egi hornigihairena egi wagairena: Hirukanara hajinja? Egi wawagena: Higu hajinja ro‐d’eranankhi eja jaxshebra sto‐khinekjanena.