Lukga 14 - Winnebego Bible Portions 1907

¹ Egi herena, jaja (Jesus) Pharise xetera wojhirera hisha hokewena, Sabath hambregi, waisgab ruj‐hirena egi hirakarairena.

² Egi horuxujre, wangisha ejanakshana jowehieja, dropsi uisha.

³ Egi Jesus horniharna waehira egi Pharisera wokit’ena, wawagena: Jasge roxireshe Sabath hambregi rushjahira?

⁴ Egi inke xab‐hiranina. Egi harnijinaganaga egi rushjahina, egi keregigina.

⁵ Egi wawagena: Hajanga shungxetenajawaxetera nigeshge je‐warutira hisha hashiniwingi mopoxeja hoshibregi, jasge inke higuana anat’umb‐wininashe Sabath hambregi?

⁶ Egi de‐e inke hornigiha ruxurug hiranina.

⁷ Egi washa hisgera wawigena waruj washirera, jaja hajagi waminag hankshi gija haminaghiregi, wawagena:

⁸ Jaja hisha hinugkanag worujeja waruj nishirawigi, inke waminag hankshieja minagnianje, nigede‐e hijaira gish’aghirera hisha waruj‐shirege,

⁹ Egi waruj‐nishijega e hiranijianaga egi wanigekjanena, wang de‐e girukore, egi hironishikjanena waminag hokushinig eja mishanagkhi.

¹⁰ Eshi jaja warujnishiregi, ranaga egi waminag hokushinigeja minagaje, egi jaja warujnishijega jigi, wanigekjanena: Hijakoronina, hankshira howarare, egi nigishaghirekjanena jarnaga hijakhi waruj warakishushungi.

¹¹ Higu peshe rokanakhingi, woiroshig‐gesgeja kererekjanena, egi higu peshe xunu‐hakikaranigi, e rokana hiranainekjanena.

¹² Egi Jesus hishge waruj‐washijega wagena: Jaja wirarojonje woruj shungi, nigeshge hoxjarna woruj shungi inke hijakorowaraga wagigornianje, egi inke warakhinubra, egi inke washawaraga, egi inke hitaje wawirakishuwusunsh rajira, nigete nishge waruj‐nishirege e shesgehiregi hironigiwarnana.

¹³ Eshi jaja waruj waragishungi, wanajojaisgera, hokishigra, manirush’agra, hishjarningra waruj washiaje.

¹⁴ Egi wornigishawakjanena, inke hirowenigigi ruxurug hiranikjanege, eshi hironigiwekjanena, phira wankshig’inegi.

¹⁵ Egi jaja waruj wakishu unaka hisha washa de‐e naxgungi, wagena: Wogishawaxjinkjanena hisha Maura hungma harnieja waisgab rujgi.

¹⁶ Egi Jesus wagena: Wankshig hisha hoxjarna woruj xete una egi roha waruj‐shina.

¹⁷ Egi ware warnira rewagigina warujra heregi, waruj washirera huwire wigairena, washara harnaj hirushjaginige esge.

¹⁸ Egi harnaj warnaina horeishankira hirena washina rashja hajiarairena: Jegejajega wena: Ma nige duwina egi jasgegi hija wawatanaga hajhakjanena, ningikarajshana inke washingiranikjena.

¹⁹ Egi hijaneisha wena: Jhe‐waruti horusgijra saja duwina egi hiaunja tekjanena, ningikarajshana inke washingiranikjena.

²⁰ Egi hijaneisha wena: Hinug hakanake esge inke hiduxurugnina.

²¹ Egi warajega gina egi hirukanara washa de‐e hogiragshana egi jhi‐hirukanara wogitegshana, egi ware harnira wagena: Xapge jhinag nagu‐hoxeteja howarare egi nagu‐hoxununigeja, egi wanajojaisgera warnikiriaje, egi hokishigra egi manirushagra, egi hishjaningra.

²² Egi warajega wena: Hirukanara jagu uinashira hauna egi higu hokaragiagshana.

²³ Egi hirukanara warajega wagena: Nagu‐hoxeteja howarare egi nawajageja egi waraxurugna‐ianje hokawairekjena, jhi harnira e hoixjinkjege.

²⁴ Hisgexji wanigena: Jarnaga wankshigra waruj washirera inke hisha hoxjarnaworuj harnira harajabnikjanena.

²⁵ Egi worohaxji hironakshana, egi hakjambanaga egi wawagena:

²⁶ Hisha hiraijiarnaga egi inke hianjra hokarash’ignigi egi hiunira egi hijawira egi ninkjangnigra egi wangwakhinubra egi hinugwakhinubra egi hishge wankshighoi harnira reshge, inke hironag nearninikjanena.

²⁷ Egi higu peshe inke nanamihera kuruk’inianaga egi hiroinaginigi inke hironag nearninikjanena.

²⁸ Egi higu hajanga jhi‐hankshira hisha sh’unkjawi hirarawigi, jasge inke jorni mishanagwianaga egi hiraikarabwininashe jarnaga hikisgekjanegi, jhi hiura hina harnigi unjebhinana?

²⁹ Inke shesge hinigi, wakik’unana jhi‐haminagra hija washugaja hageja inke unjebi ruxurugnigi, harnaj hajairegi igixja hajiarairanana,

³⁰ Wairanana: Wang de‐e jhi‐unaguni egi inke unjebi ruxurugnina.

³¹ Shige egi hung jagurisha, hung hijanera hisha kisaikorohogi, jasge inke jorni minaganaga, egi haekaragininashe, jasgekjanegi hogihixete‐kerepanaisha wirakira ruxurugkjanegi, hahuhairegi wakirakjanegi hogihixetekerepananup hiuinekjanegi?

³² Inke shesge ruxurugnigi, hijanenanka higu harixji hahuhairegi, woragra regiginana, egi washanisha wagiuankhi wagi‐uanaga rashguni hirekje karatanana.

³³ Jarnaga raniwira shenisga winana, jarnaga washara harnijegi, inke harnajwat’uranigi inke wironag Ne‐harnininana.

³⁴ Nisgura phina, eshi nisgura hosgura gixawanigi, jasgeranaga hosgura k’uranashe?

³⁵ Inke maxeja hiuphininana, egi shige inke wanoijge wakereja hiuphininana, eshi wankshigra jangra hot’unanana. Higu peshe nuxhopox winaxgu jungi, naxgu hiwiaje.