Johnga 9 - Winnebego Bible Portions 1907

¹ Egi Jesus waixagi, wangisha hajarna wankshig‐ingi epa hishjaranink.

² Egi hironaghirera higiwaxhirena, wairena: Hirukanara peshe washa woishana ungaja, wang de‐e, nigeshge shagwahira wauinege, hishjaranink wankshig‐ishe?

³ Jesus horniharna: Inke wang de‐e washingishananina, shige shagwahira. Mau worera e hiwaharekjege esge.

⁴ Jasgegi wategi phinana hisha huingigira wore harnira haunkjanena hambjanegi, hanhe hakirigi, eja inke hisha ware ruxurugnikjanena.

⁵ Manegi jajaixji haungishi, managre eegi hohambra Newinena.

⁶ Jaja shesge e‐gi, mainja shorna, hoshora maha una, egi mahara hishjaningnaka hishjasueja higiwasharna.

⁷ Egi wagena: Rare, rusharare Siloam teja (Nigehowarehi e wairena). Esge hina, egi rusharna egi waja kirina.

⁸ Esge wawikiwusunshra egi jorni hajaireshunura hishjaraninkshunura airena: Inke de‐e erenishe minaganaga jhi‐hokininagshunura?

⁹ Hota wairena: De‐e erena, hijanera wairena: Hisgeragaja, egi wena: Newinena.

¹⁰ Esge wagairena: Jasgeragaja hishjasu washinira ninuhas‐hireshe?

¹¹ Horniharna egi wena: Wankshigisha Jesus higairera, maha una, egi hishjasu harninegi hingiwasharna, egi waigena, teja howarare Siloam‐eja egi rushaje, egi hahina, egi dusharna egi wajharna.

¹² Egi wagairena: Hajinja unjeshe? Egi wena: Inke hiaperesnina.

¹³ Egi Pharise‐eja harniahirena jorni hishjaraninkshunura.

¹⁴ Egi Sabath hambjena Jesus maha uanaga egi hishjasura giruhasga.

¹⁵ Egi shige Pharisera higiwax‐hirena jasge hiarnaga wajagi. Wawagena: Maha hishjasu harninegi hingishuna, egi dushara egi wajhajena.

¹⁶ Esge Pharisera hota wairena: Wankshig de‐e inke Maura eja howajinigaja, inke Sabath hambra haisonigaja. Hijanera wairena: Wankshig washa woishana ura hisha wowakanjank shesge u‐ruxurugnashe? Esge nupihikhinena.

¹⁷ Wang‐hishjaraningjega shige wagairena: Jagu hiragireshe hishjasu washinira warnigiruhasgi? Wena: Prophet hisha heregaja.

¹⁸ Egi Judra khibagigirena hishjaraning nihegi egi wajajegi, gajanga e shagwahira wagigo hahirena, wajajega.

¹⁹ Egi wawigiwax‐hirena wairena: De‐e ne‐hinigrawishe, hishjaranink wankshig‐ishe hi’shawi? Jasgehigaja shegunegi wajajeshe?

²⁰ Shagwahira hornihairena egi wairena: Hiaperes‐hajena de‐e ne‐hinighawina, egi hishjaranink wankshigina.

²¹ Eshi jasgehigaja shegunegi wajajegi inke hiapereswinina, egi peshe hishjasura giruhasgi inke hiapereswinina. Hikikurukanajena higiwaxwire, e hikarat’et’ekjena.

²² Hoit’e de‐e shagwahira wairena, Judra wanakawairege esge. Judra wana‐ina hakishjeg hiraginige, hisha wogisog horakhi Kristus erejena e‐gi wohokhu‐hojhieja hihinab‐gigirekjanege esge.

²³ Esge shagwahira wairena, hikikurukanajena, higiwaxwire.

²⁴ Egi shige wangjega gigoirena, hishjaraningnihera egi wagairena: Maura rajangre, hiaperes‐hajena wang de‐e washa woishana uisha herera.

²⁵ Horniharna egi wena: Washa woishana uisha hereshge, inke hiaperesnina, washa hisha hiaperessana, hishjara hinig‐harnihera, shegunegi wajharna.

²⁶ Egi shige wagairena: Jagu nigiushe? Jasgehianaga hishjasu washinira warnigiruhas‐she?

²⁷ Wornigiharna: Hornigitagwishare, egi inke nanaxguwinishe, jagu shige nanaxgunkjawishe, nishge E wironag harninikjanihawishe?

²⁸ Egi najisgirena, egi wagairena: Ne wironag harninijena, de‐eshi Mosesga hirowanag‐hajawina.

²⁹ Hiapereswina Maura Mosesga hokit’ena, wang de‐e hajinja howajigi inke hiaperes‐winina.

³⁰ Wangjega horniharna egi wawagena: De‐e washa woxixesgesha heregaja, inke hirapereswini hajinja howajigi, egi hishjasu warnira waigiruhasgaja.

³¹ Hinpereswigaja Maura inke washa woishana ura warnaxguninagra, eshi hisha Maura gikarajgi egi woshgara E higiungi e naxgunana.

³² Jajaixji managre jinakhi inkaga hisha hishjasura giruhas‐hireshe aire nanaxguwiniguni hisha hishjaranink wankshig‐ingi.

³³ Wang de‐e inke Maura eja howajinigi, inke washanisha u‐ruxurugninana.

³⁴ Hornigihairena egi wagairena: Harnaji washa woishana u wankshig‐sh’ina egi washa hinagigus‐kjanihawishe? Egi jangra hot’unairena.

³⁵ Jesus naxguna, jangra hot’unairegi, egi jaja hiegi, wagena: Harnanaxgushe Maura Hinigra?

³⁶ Horniharna egi wena: Hirukanara, peshe hereshe, harnaxgunana.

³⁷ Egi Jesus wena: Hashjarajena, egi erejena horakit’arajane.

³⁸ Egi wena: Hirukanara harnaxguna, egi gikarajshana.

³⁹ Egi Jesus wena: Woehira herekjanege, esge maegi hajina, jarnaga inke wajarniankhi wajairekjanena, egi jarnaga wajakhi hishjaraning hirekjanena.

⁴⁰ Egi Pharisera hisge hakishu unjegi hoit’e de‐e naxguinegi wagairena: Nishge hishjara hinighajeshe?

⁴¹ Jesus wawagena: Hishjaraninig harajegi, inke washa woishana nijuwininana. Eshi wa’sharajawina, wajhajena, esge washa woishana washiniwira hijarnankshana.