Johnga 4 - Winnebego Bible Portions 1907

¹ Jaja Hirukanara hiperesgi Pharisenaka naxguinegi, Jesus ni‐wawaxujegi wironagra hiraijera harnijegi, Johnga e watagnig harnigi.

² Jesus E inke ni‐wawaxunijena eshi hironagananka e u‐wagigina.

³ Judea‐eja rena egi shige Galilea eja howarena.

⁴ Egi jasgegi Samaria eahihowekjanena.

⁵ Egi jhinagisha hirahina Samaria‐eja, e Sixar higairera, Jakobga hinigra Joseph maxnige hokarakura hiwusunsh herena.

⁶ Eja Jakobga niwagu harnira eja jena, egi Jesusga hikiwarake hinshgege, esge niwagu‐ihageja minagshana, ejaxji howagix akewehanegi hereguni.

⁷ Egi hinugisha jina Samaria‐isha ni‐hagujina, Jesus wagena: Ni‐rajgara hiskunk’une.

⁸ Hironagananka jhinageja waruj ruwi harairena.

⁹ Egi Samaria hinugjega wena: Jasgegaja Judranigaja ni‐rajga hinagita, Samaria hinug harnina, Judnagre Samarianagre inke hokikishganinankshana?

¹⁰ Jesus horniharna egi wagena: Maura washa wogara hiraperesgishi, egi peshe warnagra hiraperesgi, ni‐rajgara hiskunk’une arnaka, hisgeragitagi, ni niambra hisge hornik’unana.

¹¹ Hinugjega wena: Hirukanara inke ni‐hirus‐nijunigaja, egi niwagura rogshigaja, hajinja howaji ni niamb hashinigaja?

¹² Jagu ne hiranijerashe hianjhawira Jakobga, niwagura e hunkuwina egi e ni‐rajgana egi ninkjang warnira egi wanoijge warnira?

¹³ Jesus horniharna egi wagena: Peshe ni de‐e rajgangi shige iwusikjanena,

¹⁴ Eshi hisha ni wak’ungi rajgangi e manegus inkaga iwusnikjanena, egi ni de‐e wak’ungi ma‐i hornashikjanena manegus wankshighoieja hosagikjanena.

¹⁵ Hinugjega wena: Hirukanara ni‐shesgera hiskunk’une, egi inke iwusnikjena e inkaga ni‐hakwajinikjena.

¹⁶ Jesus wagena: Karanaga gigore hikhananaga egi shige jiaje.

¹⁷ Hinugjega horniharna, egi wena: Inke hikhanawahi hijunina. Jesus wagena: Hisgewashena inke hikhanawahi hijunina hishare.

¹⁸ Saja hikhanarana egi shegunegi hisha hashinirajera inke ne‐hikhanaranina she‐e hisgewashena.

¹⁹ Hinugjega wena: Hirukanara harnijharna prophetranigaja.

²⁰ Shagwahawira xe de‐e hihagregi Maura gikarajhireshununa, egi washawina Jerusalem ejashana wankshigra Maura gikaraj‐hiregi phinana.

²¹ Jesus wena: Hinugra harnaixgune, howagixra jigi, jajaheregi inke xe‐tegishana, egi inke Jerusalem‐eja Hianjihiwira gikaraj hiranikjanena.

²² Waragikaraj‐harajane, jaguisha ragikaraj‐harajegi inkirapereswinina, hiaperes‐hajena jaguisha hagikarajhajera, wankshig‐inwahira Jud‐eja howajige esge.

²³ Eshi howagixra jina, egi shegunegi herena, jaja Mau gikaraj wogisogra Hianjihiwira gikarajhiregi Naxiragra hiu egi wogisogra hiu. Hianjihiwira wankshig shesge gikaraj‐hirera hornijena.

²⁴ Maura naxiragisha waunakshana, jarnaga gikarajgi, Naxiragra hiu egi wogisogra hiu gikaraj hiregi phinana.

²⁵ Hinugjega wena: Hiaperes‐sana Messias jikjanera E Kristus higairena, jaja jigi, E washara harnaj hungiraikjanihawina.

²⁶ Jesus wena: Newinena hornikit’anagre ewarnakshana.

²⁷ Egi shesge airegaja hironagananka hakirirena, egi khorairena hinugjega hokit’arnakhi, egi inkisha washa arnina, jagu horanishanakshe, egi jagu‐u horakit’ashanakshe?

²⁸ Hinugjega ni‐rexra d’une egi jhinagra howakerena egi wankshigra wawagena:

²⁹ Huwire, horuxujwire wankshigisha, E hungiraganakshana washa jagushana hauna harnaj, jasge de‐e Kristus heres‐are?

³⁰ Egi harairena jhinageja hihinabhiranaga egi hirahirena.

³¹ Kheni hajirani hironagananka wagairena: Rabbi warujre.

³² Egi E wawagena: Waruj haijera harninakshana she‐e inkirapereswinina.

³³ Esge hironagananka wakigairena: Jasge hisha waruj hagarnijishe?

³⁴ Jesus wawagena: Hisha huingigira woshgara hagiungi, egi worera wagishibgi, she‐e waruj harnira herena.

³⁵ Inke shesge hishawinishe, wi jopahangi warojunkjaneshe? Horuxujwire, hinigawina, jambwige, maxra horuxujwire, shegunegi sgairena maxhoikisherera herena.

³⁶ Egi max‐hikisherera woirowe rusjena, egi washa rojunega sto‐wahikjanena wankshighoi‐hisgejaija, egi max‐hoshunihega egi max‐hikisherega hinuwinka hakikishu wogishawairekjanena.

³⁷ Egi hoit’eisha airera hisgewairena, hisha maxhoshuga egi hijanera max‐hikishere‐hirena.

³⁸ Max‐hoikishereja howare‐ningigiwina eja inke wa’sharawinina, hijanera wore houinena egi wore harninera eja washerekjanihawina.

³⁹ Egi Samaria wankshig jhinageja herera roha harnaxguna, hinugjega e worake, jagu hauna harnaj hungiragshana e‐ge esge.

⁴⁰ Egi jaja Samaria wankshigra hirajiregi gikaraj hiranaga wagairena, eja hiwushahirena egi hambra nupaha eja hiwusharna.

⁴¹ Egi hiraijera roha harnaxguna, hoit’e harnira hik’unge esge.

⁴² Egi hinugjega wagairena: Harnaxguwina, inke hoit’e hashinira hawau, exji naxguwina egi hiapereswina de‐e hisgexji Kristus heregaja, managre wankshighi‐inena.

⁴³ Nupahanegi nigiowarena egi Galilea howarena.

⁴⁴ Jesus E horagshana, prophetra mojabra hanke gish’aghiranina.

⁴⁵ Egi jaja Galilea eja higi, Galilea wankshignanka rushirena, Jerusalem worujeja jagu ungi harnaj hajairege, hishge worujeja hahirege esge.

⁴⁶ Jesus shige Kana‐eja gina Galilea mowagaxeja, ni nishuj una eja. Egi eja wang washinukanaisha nankshana, hinigra howasharna Kapernaum‐eja.

⁴⁷ Jaja naxgungi Jesus Judea‐eja huheshe airegi Galilea‐eja jigi, hirahina egi gikaraj‐arnaga wagena, hijahi rogiguna egi hinigra rushjahikjege d’e‐hikorohowake esge.

⁴⁸ Egi Jesus wageshguni: Inke washa wijanti egi wowakanjangra hashjawinigi inke harnanaxguwininana.

⁴⁹ Wang washinukanajega wena: Hirukanara, ninkjang harnira kheni d’arni hure.

⁵⁰ Jesus wagena: Karare, hinigraga niambshana. Egi wankjega harnaxguna Jesus hoit’e higajega egi jikerena.

⁵¹ Egi karahau, ware warnira hikipairena egi hogiraghirena, wairena: Hinigraga niambshana.

⁵² Egi wigiwaxshaua howagix jaguishe eja hirohekhi. Egi wagairena: Xjarnane howagix shagowihangaja rotakajra rushjana.

⁵³ Egi hianjra hiperessana howagix eja herera, Jesus higera hinigraga niambshana. Egi exji harnaxguna egi eojhira harnaj.

⁵⁴ De‐e shige hinupahara wowakanjank una, Jesus Judea‐eja hugi Galilea‐eja jigi.