Johnga 3 - Winnebego Bible Portions 1907

¹ Wankshigisha ejajena Phariseisha herena, Nikodemus higairena Jud washinukanaisha.

² Wang she‐e Jesus haheregi hirajina, egi wagena: Rabbi hiapereswina wawagaxhajawagigiranira Maura eja horawarajina, inke hisha wowakanjank sh’une shesgehininana inke Maura hakishu u‐nigi.

³ Jesus horniharna egi wagena: Hisgexjina, hisgexjina hinigena, inke shige wankshigrisha wankshig‐inigi, inke Maura hungma harnira hajarnikjanena.

⁴ Nikodemus wagena: Jasgehiranaga hisha shagkhi shige wankshig‐inkjaneshe? Jasge, shige hinupahana hiunira eja hokawarnaga ujganag hiranaga wankshig‐inashe?

⁵ Jesus horniharna: Hisgexjina, hisgexjina hinigena, inke hisha ni egi shige Naxirag wankshighi‐inigi inke Maura hungma harnira eja hokewe ruxurugninana.

⁶ Hisha horo wankshighi‐ingi, roisha herenana, egi hisha Naxirag wankshighi‐ingi naxiragisha herenana.

⁷ Inke khoranine, hinigena shige wankshig‐shin’gishana herenana.

⁸ Maintajehira hajinja huhikjega unjena, egi nanaxgurajena, inke hajinja hujegi hiraperesnina shige hajinja howarajegi, shesgarnakshana harnaj hisha Naxirag wankshighi‐inga.

⁹ Nikokemus horniharna egi wagena: Jasgegi de‐e shesgekjaneshe?

¹⁰ Jesus horniharna egi wagena: Israel wawagaxhajawagigi hung ranigaja egi washa de‐e inke wiraperesnishe?

¹¹ Hisgexjina, hisgexjina hinigena, washara hisha hinpereswiga horagwishununa, egi washara hisha hajawiga horagwishununa, egi inke shurus‐niharajena worag harniwira.

¹² Managre‐egi washornigitagra inke harnainaxguinina, jasgerawianaga harnainaxguiwinashe wangregi washa hornigitagwigishi?

¹³ Egi inke hisha wangregi hininana, eshana wangeja howajira, Wankshig‐hinigra wangeja herejena.

¹⁴ Egi Mosesga ura hisgera wakhaisha wangeja howaara mojainainja, shesgegigiregi Wankshig‐hinigra wangeja howa‐ainegi phinana.

¹⁵ Higu peshe harnaxgungi inke d’arnikjanena, eshi wankshighoi hisgeja unkjanena.

¹⁶ Hisgexji Maura managre wogixetera deshesgena, Eshana Hinigra herera wogarna, higu peshe harnaxgungi inke d’arnikjanena, eshi wankshighoi hisgeja unkjanena.

¹⁷ Maura Hinigra manegi howahugigira, inke managre washinohire howekje wagiu jinina, eshi managre E wankshighi‐inekjege esge.

¹⁸ Hisha harnaxgungi inke washinohire howanikjanena. Eshi hisha inke harnaxgunigi washinohire howagininana, Maura Hinigra eshana herera rashra inke harnagixgu‐hiranige esge.

¹⁹ De‐e washoirohire howera herena, hohambra manegi jira egi wankshigra hokawasra e hiraijera wogixete hirena, hohambra hagkererena, woshga warninera shishighirege esge.

²⁰ Higu jarnaga washawowonk u‐nankhi, hohambra hosh’ighirena, egi inke hohambeja hajiranina, woshgara inke wagijairanikjege esge.

²¹ Egi washa wogisog ura, hohambeja hajirena, she‐e woshga warninera wagijairekjege, she‐e Maura wakishu unjege esge.

²² Egi hagregi washa de‐e, Jesus egi hironaghirera Judea mowagaxeja hahirena, egi eja wakishu hiwusharna, egi ni‐wawaxujena.

²³ Egi Johnga hishge ni‐wawaxunjena Aenon‐eja Salim hiwusunj‐eja, nira eja junge esge, egi hahirega ni‐wawaxunankshana.

²⁴ Johnga kheni jhi‐hornassairani.

²⁵ Egi wikiwax hirena Johnga hironaghirera egi Judra hokikurushara haehirena.

²⁶ Egi hirahireshguni Johnga, egi wagairena: Rabbi, hisha harakishu sh’ura Jordan ageja, hisha hosharagra, horuxujre, she‐e ni‐wawaxunjena egi wankshigra harnaj hirahinankshana.

²⁷ Johnga horniharna egi wena: Wankshigra inke washa hisha kirus‐ruxurugninana, inke wangregi howaji hok’uinanigi.

²⁸ Ne‐husharaikjanihawina ne‐wahena Kristus inke newinenina hihera, eshi jowehieja howahuigigirena.

²⁹ Hisha hinugra khanaikjane manaj‐jegi hinugkhanaikjanera herejanana, egi hinugkhanaikjanega hijakorora hija nashianaga harnaxgujanana egi wogishawara rokanajanana, hinugkhanaikjanega hora naxgunjege esge, de‐e woshawa harnira shegunegi heregaja.

³⁰ Hiraijera rokana harekjanena hophina, nunige deshi hiraijera wakurujis hatekjanena hophina.

³¹ E wangregi howajina eshana hiraijerana, hisha mainja heregi manegi hereisha herenana, egi mara haehinana, egi E wangregi howajina eshana hiraijerana.

³² Egi jagu hajara egi naxgura, e horagjena, egi inkisha woragra girusninankshana.

³³ Hisha woragra girusgishi, wijantina hijawagaxnana Maura wogisognaka.

³⁴ Esge E Maura hugigina, Maura hoit’e harnira a‐jena, esge Maura inke Naxiragra higus hok’unina.

³⁵ Hianjihiwira Hinigra wogixetena, egi washara harnaji nabeja hogishuna.

³⁶ Hisha Hinigra harnaxgungishi, wankshighoi‐hisgeja unkjanena, egi hisha Hinigra inke harnaxgunigi inke wankshighoira hajarnikjanena, eshi Maura wogiteg harnira eja hiwushakjanena.