Johnga 20 - Winnebego Bible Portions 1907

¹ Egi haramihehambgaja Maria Magdalena, hainixjinig higu hokawasja‐u hina wanaxihoshueja, egi hajarna inira rus‐hirera wanaxi‐hoshuejanagra.

² Egi nuwangshana, egi Simon Peter hiragina egi hironag hijanera e Jesus wogixetera, egi wawagena: Hirukanara rus‐hirena wanaxi‐hoshuejagra, egi inke hiapereswinina hajinja t’umb‐hiregi.

³ Peter esge hijowarena, egi wironag hijanejega, egi wanaxi‐hoshueja howarairena.

⁴ Egi hinuinka nuwang‐hirena, egi wironag hijanejega Peter najissana, egi wanaxi‐hoshueja jorni hina.

⁵ Egi hijoisijshana egi linen waiperera hijarnauk wajarna, inke hijokawarnina.

⁶ Egi Simon Peter hironaghajina egi wanaxi‐hoshueja hokewena, egi wajarna linen waiperera eja nankhi.

⁷ Egi hishja‐hiwashara, nassueja hirowejainera, inke linen waiperera wakishuninankshana, eshi injab wejanankshana.

⁸ Egi nishge hijokewena wironag hijanjega, e jorni wanaxi‐hoshueja jira, egi hajarna, egi hisgegaja hirena.

⁹ Kheni wowagaxra hiperesnijena, arnihera d’egi shige niaimbjaneshe.

¹⁰ Egi wironagananka shige jhi‐warnineja howakarairena.

¹¹ Eshi Maria jangeja nashinjena wanaxi‐hoshueja xagjena. Egi xagjanaga, wanaxi‐hoshueja hoisijana.

¹² Egi waxopiniwarajirera nupiwi waini sga‐u minagnankshana, hisha nassuhieja‐nankshana, egi hijanenaka si‐hiejanankshana, hajinja Jesus rora t’umb‐hirera eja.

¹³ Egi wagairena: Hinugra, jagu‐u raxagrajeshe? Egi wawagena: Hirukana harnira rus‐hirege esge, egi inke hiaperesnina hajinja t’umb‐hiregi.

¹⁴ Egi de‐e shesge arnaga, hageja hopahinashina, egi Jesus eja nashinja‐u hajarna, egi inke higinina Jesus waunjegi.

¹⁵ Jesus hinugjega wagena: Hinugra, jagu‐u raxagrajeshe? Peshe horaninajeshe? Max‐hirakaraisha hereguni hirege, hinugjega wena: Hirukanara, nenige hashinirahigi, hungiragre hajinja rat’umbgi, egi dusikjena.

¹⁶ Jesus hinugjega wagena: Maria! Hijopahinashina, egi wagena: Rabuni. Wawagax‐hajawagigi‐hungra e‐ge wena.

¹⁷ Jesus hinugjega wagena: Inke hinkiornine, kheni wangregi wawakaranianjena Jajiga eja. Eshi wakhinubra eja howarare egi wawagaje, wangregi wawakerena Jajiga eja egi Hianjrawiga eja, egi Mau harnira egi Mau hashiniwira eja.

¹⁸ Maria Magdalena hijagina egi wawogiragshana hironagnanka, Hirukanara hajagi, egi hoit’e de‐e hirokit’egi.

¹⁹ Egi hambeja hoxjarnanegi haramihehambregi herena, jhirobra hornasarnak’u Judra warnakawairege esge, Jesus jina egi horogeja nashinjena, egi wawagena: Rashgunira hakarakishu sh’u‐harajena.

²⁰ Egi deshesge arnaga wagiwaharna nabra egi ruhira. Egi hironaghirera wogishawairena Hirukanara hajairegi.

²¹ Egi Jesus shige wawagena: Rashgunira harakishu sh’u‐harajena. Jajiga egi howahuigigira, shesge hikisge nishge re‐ningigiwina.

²² Egi jaja deshesge e‐gi wowexuna egi wawagena: Naxirag Wakanjangra shuruswina.

²³ Higu peshe washa woishanara ragit’usharawigi she‐e wagit’urairanana, egi higu peshe washa woishanara inke ragit’usharawinigi she‐e inke wagit’urairaninana.

²⁴ Egi Thomas nup‐hashanara esherena Didimus higairera inke wakishu unijena Jesus wirajigi‐egi.

²⁵ Wironag hijanenanka esge wagairena: Hirukanara hajhawina. Egi wawagena: Inke nab‐jhiraisaraj hornashina hajharnigi, egi jhiraisaraj hornashieja nabwaisara wakerenigi, egi ruhira dujganigi, inke harnaxguninana.

²⁶ Egi shige hageja hamb haruwanga‐hanegi hironag warnira jhieja nankshana, egi Thomas hija‐unjena. Egi Jesus jina jhirobra hornassarnak’u, egi horogeja nashinjena, egi wena: Rashgunira harakishu sh’u‐harajena.

²⁷ Egi Thomasga wagena: Nabwaisa hashinira harnigure, egi nab‐warnira woruxujre, egi nabra harniguanaga egi ruhi harnira rujgare, egi inke khibahinine eshi harnaxgune.

²⁸ Egi Thomas horniharna egi wagena: Hirukana harnira egi Mau harnira.

²⁹ Egi Jesus wagena: Thomas, hishjage esge harnainaxguna, wogishawaxjinakshana inke hajarninagenunige egi higu harnaxgunankshana.

³⁰ Egi Jesus washa woijanti hijanera roha una hironaghirera hijarnak’u, wawagax degi inke wagaxniankshana.

³¹ De‐eshi wagaxankshana, harnanaxgunkjawige Jesus she‐e Kristus herejena, Maura Hinigra, egi harnanaxguwigi wankshig‐shinkjanihawina rash earnira hiu.