Johnga 16 - Winnebego Bible Portions 1907

¹ Washa de‐e hironikit’awira, inke watoxiwinianje.

² Wohokhu‐hojhieja hihinab nigigirekjanihawina. Hisgexjina howagixra jigi, peshe d’eninawigi, Maura wagire waushe hirekjanena.

³ Egi washa de‐e nigiuinekjanihawina, inke Hianjihiwira, egi Ne inke hinperes‐hirawinige esge.

⁴ Egi washa de‐e hornigitagwina, jaja howagixra jigi, she‐e shewewinkjanihawina hornigitagwira. Egi washa de‐e inke hinigawinina jeg‐hojikerehieja, harnikishu hauwige esge.

⁵ Egi shegunegi hakerekjanena huingigira eja. Egi hinkisha hingiwaxwinianje, hajinja horawashereshe hingawinianje.

⁶ Eshi washa de‐e hinigawina najgetegra ronikana harajege esge.

⁷ Eshi wogisog hornigitag hajena eniphinkjanihawina nigewawakeregi, inke nigewawakaranigishi, Warukhegra inke hirani‐jinikjanihawina, eshi nikitujawigi E huagigiarnaga hirani‐jikjanihawina.

⁸ Egi jaja jigi wogisog hiperes‐nikjanihawina managre washa woishanara, egi shige washophira, egi shige woehira.

⁹ Washa woishanara uinena inke harnaixgu hiraniga esge.

¹⁰ Washophira, Jajiga E‐wawakerege esge, egi inke hinupahana hishjarnikjanihawina.

¹¹ Woehira, hungra ma‐degi waehi‐jena.

¹² Washara roha hinigekjanihawina, eshi inke shegunegi harnaj warak’in shuruxurug‐nikjanihawina.

¹³ Eshi jaja Naxirag wogisogra jigi, E wogisogeja harnaj horninugainkjanihawina. E inke hit’et’egi E‐wakigarnikjanena, eshi jagushana naxgungi shesge hit’et’era ekjanena. Egi nigigusikjanihawina washa jikjanegi.

¹⁴ E gloriawinkjanena, warnira warusikjanena egi nigigusikjanihawina.

¹⁵ Washara harnaj Hianjihiwira harnira, Newarnina. Esge wahena E warusjanena warnira egi nigigusikjanihawina.

¹⁶ Xapgenig egi inke hishjarnikjanihawina, egi shige xapgenig hishjakjanihawina, Hianjihiwira eja wawakerekjanege esge.

¹⁷ Egi hironaghirera hota wakigairena: Hoit’e de‐e jagu‐u wanga‐wagawiguni: Xapgenig egi inke hishjarnikjanihawina, egi shige xapgenig hishjakjanihawina egi Hianjihiwira eja wawakerekjanege esge?

¹⁸ Esge wairena: Hoit’e de‐e jagu‐u weshe? Xapgenig are? Inke hinpereswinigaja.

¹⁹ Egi Jesus hiperessana higiwax roguxjinankhi, egi wawagena: Hirakishawax hashanakaja washinhera, Xapgenig egi inke hishjarnikjanihawina, egi shige xapgenig hishjakjanihawina.

²⁰ Hisgexjina, hisgexjina hinigawina: Raxaikjanihawina egi irajashinikjanihawina, eshi managre wogishawakjanena, egi najgerategra ronikanankjanihawina, eshi najgeteg hashinira hahi wogishawakjanena.

²¹ Hinugra hisha jaja wakheg‐rakegi najgera tegrana, howagix earnira jige esge, eshi higu jaja ninkjangra jungi, inke hinupahana hotegra wewininana wogishawaga hawau wankshig hisha manegi wankshiginge esge.

²² Egi shegunegi najgeranitegwina: Egi shige harnijakjanihawina egi najge washiniwira wogishawairekjanena, egi wogishawa hashiniwira hinkisha ningirus ruxurug‐hirawinina.

²³ Egi hamb‐eja inke washara hisha hinagishawaxnikjanihawina. Hisgexjina, hisgexjina hinigawina: Jagurisha Hianjihiwira ragitawigi rash harnira sharajwigi, hornikunkjanihawina.

²⁴ Shejaixjipa inkaga rash harnira sharajwianaga washanisha ratawinina: Tawire egi shurusjawina, wogishawa hashiniwira e hoixjinkjena.

²⁵ Washa de‐e hironikit’awira washa hisgera wagena. Eshi howagixra jigi inke hinupahana washa hisgera hironikit’anikjanihawina, eshi harusharani ningiguiskjanihawina Hianjihiwira eja.

²⁶ Hamb‐eja rash harnira hisharaijanihawina, egi inke hinigawinina, Hianjihiwira gikaraj ningigikjanihawina,

²⁷ Egi Hianjihiwira exji wornigixete harnagwina, woiragixetewige esge, egi harnanaxguwinge Maura eja wawajira.

²⁸ Hianjihiwira eja hurna, egi manegi hajina, egi shige managre hat’untekjanena egi Hianjihiwira eja wawakerekjanena.

²⁹ Egi hironaghirera wagairena: Horuxujre, shegunegi harusharani hirat’et’ena, egi inke washa hisgera waragarnina.

³⁰ Shegunegi hisgexji hinipereswigaja, washara harnaj hiraperesra, egi washanisha roguinegi inke hinigairani shgunina. De‐e harnaxguwina Maura eja horawarajira.

³¹ Jesus wornigiharna: Shegunegi harnainaxguwishe?

³² Horuxujwire, howagixra jigi egi shegunegi jina, hornierekjanihawina jarnaga raniwira worajhiwira horawarakerekjanihawina, egi inekhi hinat’u‐sherekjanihawina. Egi inke inekhi hajanikjanena Hianjihiwira hakishu hauanjege esge.

³³ Washa de‐e hironikit’awishare, egi howahi rashguni sh’uwinana. Manegi washinohire horawekjanihawina, eshi wogishawahajanje, managre parnana.