Johnga 15 - Winnebego Bible Portions 1907

¹ Habsinsh‐hu wogisogra Newinena, egi Jajiga habsinsh‐max hirakarara herena.

² Akarajgera jarnaga harnaishianaga inke has haminaginigi, warusanaga nigewot’unajena, egi akarajgera jarnaga harnaishianaga has haminagiregi waphiunjena e hasra hiraijera haminag hirekjege.

³ Shegunegi nisgewina hoit’era warniuwina hironikit’awira.

⁴ Hunjhiajane, egi hornijhiwina. Akarajgera inke exji has haminagninana inke habsinsh‐hueja nashinegi, nishge shenisgawinana inke eegi hunajhiwinigi.

⁵ Habsinsh‐hura Newinena, akarajgera neninewina. Hisha eegi hunjhigi egi wajhinana, e hasra roha haminaikjanena. Inke hish’uwinigi inke washanisha u‐shuruxurugwininana.

⁶ Hisha eegi inke hunjhinigi e nige hot’unairanana akarajge nisge, egi hatat’tegnana, egi sto‐wahiranaga, egi pejeja wot’urairanana egi daxuiranana.

⁷ Egi hunajhiwigi, egi hit’e warnira hornijhiwigi, egi ratawigi jagu raiphiwigi egi nigiuinekjanihawina.

⁸ Egi de‐e eja Jajiga gloriajena, hasra roha hamininaikjawige, egi wironag Ne‐harninikjanihawina.

⁹ Hianjihiwira woigixetejena, shesge hawau wonigixetewina. Wogixete harninegi uanjanje.

¹⁰ Ushi harnira hinagish’uwingi, wogixete harninegi sh’uanajekjanena. Ushi Jajiga harnira hauanjera shesge, egi wogixete earnieja hauanjena.

¹¹ Washa de‐e hironikit’ajena wogishawa harnira harnikishu unkjawige esge, egi wogishawa hashiniwira hoixjinkjege.

¹² De‐e ushi harnira herena worakixetewigi, wornigixetewira shesge.

¹³ Hinke hisha hiraijera wornigixeteninana, hisha hijakorowahira wagit’egishi eshana wogixete xetera herena.

¹⁴ Hijakoroniwina, jagu unishiwira sh’uwinge.

¹⁵ Epa inke ware hinigarnikjanihawina. Waranagre hirukana harninera jagu unakhi inke hiperesninankshana. De‐eshi hijakoro ningikarajwina, Jajiga washa jagu E naxguna harnaj hiperes‐niwinge esge.

¹⁶ Inke hinaijawinina, de‐eshi ninjawina, egi ninkerewina, sharawigi has hamininaikjanihawina, egi has washiniwira hijarnagikjanena, she‐e hawau Hianjihiwira jagurisha hiragawigi rash harnira sharajwigi hornik’unkjanihawina.

¹⁷ Washa de‐e unishiwina, worakixetekjawige.

¹⁸ Managre hornish’igwigi, hirapereswina hunsh’igra kheni hornish’igwini.

¹⁹ Manegi here raniwingi, managre wornigixetewinana earniniwigi: De‐eshi inke ma‐egi ninewinige, eshi managre eegi gija nituswina, esge managre hornish’igwina.

²⁰ Wewiwine Hoit’e hinigawira: Warera inke e hiraijera xetearnaga hirukanara worujisninana. Hingishana nairarnihegi, nishge hinigishana nainarnihekjanihawina. Jagu hihera uinegi, nishge jagu hishawigi uinekjanena.

²¹ Egi washa de‐e nigiuinekjanihawina rash harnira hawau, inke hiperesninanke E huingigira esge.

²² Inke eegi hajinianaga egi inke hironikit’awinigi, inke washa woishana harni‐narninana, egi shegunegi inke washa hirarashja phinina washa woishana warninera.

²³ Hisha hunsh’ighi, Jajiga hishge hosh’ighiranana.

²⁴ Horoghireja inke wore wagiunigi hijanera inke hisha shesge hinigi, inke washa woishana harni‐rarninarna, egi shegunegi hinjairawina, egi hinuwinke newinianaga Jajiga hakishu hunsh’ighirawina.

²⁵ Egi hoit’era jagu airanihegi shesgekjanena woehi wowagax harnineja: Hunsh’ighirena inke washanisha hawauni.

²⁶ Egi jaja Warukhegra jigi, E hurningigikjanihawira Hianjihiwira eja howaji, Naxirag wogisogra, E Hianjihiwira eja howajina, E hunaikjanena.

²⁷ Egi nishge husharaikjanihawina, hinakishu shuanajege jeg‐hojikere hiejareja.