Hoixgara 6 - Winnebego Bible Portions 1907

¹ Egi hamb‐nanka eja wironagra roha hijornashingi eja Hellenitra waehixji‐nashinena Hebraira wakhira, hikanagit’e warninera hambga inke waworujaninanke esge.

² Egi nup‐hashanara wagigoirena wironag worohanka hirahirekjawige egi wairena: Inke phininana Mau hoit’era hit’unawianaga egi warujeja wawagiregi.

³ Esge hikhinubwira wangra shagowi hokiruxujwire wang wogisog hireshe wigairegi egi Naxirag Wakanjang hoixjira, egi wowanaiksab hoshura, e wore de‐e hirakara hiwagigikjawina.

⁴ Eshi hoishib gikarajra hiuanjekjena egi hoit’era wagirera.

⁵ Egi jagu airega worohanka harnaj giphina. Egi Stephan gijainena, wang harnaxgura egi Naxirag Wakanjang hoixjisha herena. Egi Philipga egi Proxoraga egi Nikanoraga, egi Timonaga egi Parmenaga egi Nikolaga proselit hisha jhinag Antiox‐eja hereisha.

⁶ E Apostel jowehireja washuirena egi jaja gikaraj rashjainigi nassueja wawassunsh‐hirena.

⁷ Egi Mau hoitera hoerena egi wironagra roha Jerusalem‐eja hijornashina, egi nabhoruxaj hirukanara woroha harnaxgura wagiuinena.

⁸ Egi Stephanga harnaxgura egi homashjara hoixjinjena, egi wowakanjank egi woijanti rokana wankshighorogeja unjena.

⁹ Egi eja wawagaxhajojhinankhi nashinena Libertinera wawagaxhajojhira wigairera egi Sirenianra egi Aleksandrianra egi Kilikianra egi Asia‐eja howajira, she‐e Stephanga kitak‐hirena.

¹⁰ Inke hakira ruxurug‐hiranina wowanaiksab egi naxirag wirokit’ajege.

¹¹ Egi wang hirushja‐wahirena e wairena: Hit’et’e naxguwina Moses egi Maura waraxjashgunina.

¹² Egi wankshigra puruna‐wahirena egi xetera, egi wowagax hiperesra, egi hirahirena egi harukos‐hirena egi woehieja harniakirirena,

¹³ Egi wihohi woishjankera warnihajirena e wairena: Wang de‐e jhi‐wakanjang de‐e egi woehira raxjashgunira inke rashjanijena,

¹⁴ Naxguwina de‐e era Jesus‐jega Nasaretheja herera jhi de‐e maisinsh‐hikjaneshe egi woshgara hijahikjaneshe ena, Moses wanghok’uwira.

¹⁵ Egi woehieja minagananka harnaj horuxuj‐hinena egi hishjara hajairegi waxopiniwarajire hishja unguni hirewahina.