Hoixgara 28 - Winnebego Bible Portions 1907

¹ Egi jaja niambhiregi wijnaka Melita higairera hipereshirena.

² Egi wankshig hijahinanka najojana inke xunu hingigirawinina. Pej hotuinena, egi harnaj hinus‐hirawina, nishujege egi sinihijege esge.

³ Egi jaja Paulus nanksig stohigi egi pejeja hashurna wakha shishighisha hotakaj wahas hihinabshana egi nabeja hassa‐hinakshana.

⁴ Egi jaja hijahinanka wakhara nab‐earnieja howaronag hajairegi, wakigairena: Hisgexji wangde‐e wankshigd’ehisha heregaja, e tejanegi khishib niambnunige wakarakjera inke niamb‐giginigaja.

⁵ Egi wakhananka pejeja hoishibshana egi inke washa hirokishignina.

⁶ Egi natis‐anaga egi higuana d’arnaga khanekjane hirairena. Eshi s’ixji hageja horuxuj‐hiranunige egi inke washangishgani hajairena, wowewi warninera hija jijerena egi wairena: mau‐hisha heregaja.

⁷ Egi hiwusunsheja wijnaka eja hungra e rashra Publius higairera mara harnina e hinuswina egi hambra daniha phixji hingigiwi hiniuwina.

⁸ Egi wauna Publius hianjra howasha mingshana rotakaj una egi wa‐i hiresiri una, egi Paulus hokewena, egi gikarajanaga egi nabra hija hat’umbanaga egi rushjahina.

⁹ Egi jaja deshesge higi, hijanera hishge wij‐eja howashanankhi hajirena, egi rushja‐wahina.

¹⁰ Egi hoish’agra rohaxji hingishag‐hirawina, egi jaja wakitujawira, jarnaga washara hiauwingi phinagi hunk’uinawina.

¹¹ Egi wi danihanegi waj Aleksandria eja howajisha homianag dawina, e wij‐eja hamanikhira egi e wijantira warejawa hija wagaxnashinena.

¹² Egi Sirakus‐eja hahi ha’uaniwina eja hambra daniha hipushawina.

¹³ Egi eja wagigix tawira Rhegium‐eja hahiwina. Egi hamb hishangaja rekuhuhina egi hamb hinupahangaja Puteoli‐eja hahiwina.

¹⁴ Eja wakhinubwira hiaewina, egi hambra shagowiha wakishu hiwusha roigigu hirawina. Deshesge hawianaga Romera hapahi tawina.

¹⁵ Eja tawira, jaja wakhinubwira naixguhirawigi, Appii Forum eegi hikhiware hojhi danieja hipa hajirena. E Paulus jaja wajara Maura wainginapshana egi himashjana.

¹⁶ Egi jaja Rome‐eja hahiwira, manape hungra harukoshirera wawogarna manape hung xeteja. Eshi Paulus injab jhi‐gigirena, manape hirakaranagra wakishu.

¹⁷ Egi houna hambra daniha haixagaja Paulus Judra xetera stowahina, egi jaja stoiregi, wawagena: Wangra egi hinkhinubwira, wankshig hiwarniwira inke washinohirera hisha wagiuninunige inke shige hianj‐hiwahiwira woshga harninera, shesgarnunige hirukos‐hire Jerusalem‐eja wawajina Roman nab harnineja hunrushja rehirena.

¹⁸ E jaja hiwessiwi‐hirera girushjanehi phi‐hanina inke washanisha hawau d’ehi phianinige esge.

¹⁹ Eshi jaja Judra hit’e hiraikira‐hirera inke washinjahi u phianinina, Kaiser woehira hapaxurujshana, inke wankshig warnira washara hisha wirataije wagiunina.

²⁰ Deshesge hawau sto‐nishiwina, harnijakjawige egi hornikit’ekjawige. Israel wankshigra woinashi harninera hawau waigiuinena mas de‐e hinusgij hajane.

²¹ Egi wagairena: Inkaga Judea‐eja wawagax howajianaga hornanixguwinina, egi shige inke wakhinubwira hisha jiarnaga horniragnina shige washinohire horaweshe arnina.

²² Eshi jagu hiraregi nanixgu roaguwina. Injab‐hokhi de‐e hawau, hinipereswira higu hajinja herera hoit’e hirakira hirera.

²³ Egi jaja hambisha mangiraj‐hiregi, hojhijega eja roha hirajina, e wijanti wawogiragshana egi horagshana Maura hungma harnira, egi Jesus hawau waraxurugnaina, Moses woehi harnieja egi prophet‐eja horusanaga, haininegi aregi haxjarna hipa ena.

²⁴ Egi hota washa jagu e‐ga harnaxguinena egi hota inke harnaxguinarnina.

²⁵ Egi jaja inke warnaina hakishjeg hiranigi nigeowakarairena, Paulus hoit’eisha arnaga hageja: Naxirag Wakanjangra Isaias prophetra hiu hianj‐hiwahiwira phi wawagegi,

²⁶ Wena: Wankshig de‐e wawirahire, egi waje: Warnaxgura nanaxgu‐kjanihawina, egi inke nanaxguni‐kjanihawina. Egi wajara, washjakjanihawina egi inke hiraperes‐nikjanihawina,

²⁷ Wankshig de‐e najge warninera shjainena, egi nuxhopox warninera winaxgu jexi hirena, egi hishjasu warninera hornassa‐nankshana, hishjasu warninera inke wiraja‐hiranikjege, egi inke nuxhopox warninera wawinaxgu‐hiranikjege, egi najge warninera inke wawinaxgu‐hiranikjege, egi wakshainegi egi rushjawahakjanege.

²⁸ Esge hiperesniwina, Maura wankshighoi harnira hirarujeja herera wawirahi hirena, egi naxgu hirekjege.

²⁹ Egi jaja hoit’e de‐e waegi Judra hakarairena egi hirokikit’era rokana wairena.

³⁰ Egi Paulus ma nupaha jhi hornajga eja jhina, egi jarnaga hirahiga harnaj warusjena.

³¹ Maura hungma harnira wawihokhunjena, egi Hirukanara Jesus Kristus washa jagu higairegi wagigusjena inke nuwangni, egi inke hisha rogixinina.